|
ទម្លាប់អាក្រក់ 7 យ៉ាង ដែលធ្វើឱ្យអ្នកធាត់
|
|
April 28, 2013 (01:33:56)
|
[ 1503 ] |
|
| |
|
|
| |
ជានិច្ចកាល ការធាត់លើសទម្ងន់មិនធ្វើឱ្យសុខភាពរបស់អ្នកបានល្អប្រសើរទេ ។ មានទម្លាប់៧យ៉ាងដែលអ្នកជំនាញអះអាងថាជាបច្ច័យនាំឱ្យអ្នកធាត់ ៖
១- ខ្វះការរៀបចំប្រចាំថ្ងៃ ៖ នេះមានន័យថា តើអ្នកគួរទទួលទានអ្វីនិងនៅពេលណាខ្លះ ។ ការរៀបចំនៅទីនេះអាចមានន័យផ្សេងមួយទៀត នោះគឺអ្នកត្រូវតែដឹងឱ្យច្បាស់ពីចំណង់របស់ខ្លួននិងព្រមទាំងមធ្យោបាយជំនួសផ្សេងទៀតដើម្បីទប់ស្កាត់ចំណង់ផងដែរ។ ឧទាហរណ៍ ប្រសិនអ្នកជាមនុស្សចូលចិត្តស្ករគ្រាប់ អ្នកគួររក្សាទុកផ្លែឈើស្រស់ៗនៅក្បែរខ្លួនដើម្បីទប់នូវទម្លាប់របស់ខ្លួន ។
២- ផឹកទឹកមិនគ្រប់គ្រាន់ ៖ ការទទួលទានទឹកក្នុងបរិមាណមួយត្រឹមត្រូវនឹងធ្វើឱ្យល្អប្រសើរដល់សុខភាពទូទៅរាប់ចាប់ពីស្បែក ឆ្អឹង សន្លាក់ទៅដល់ប្រព័ន្ធរំលាយអាហារ មុខងារចងចាំនិងខួរក្បាល ។ ការសិក្សាមួយដែលបានចេញផ្សាយកាលពីខែវិច្ឆិកាឆ្នាំ២០០៨បានបង្ហាញពីទំនាក់ទំនងយ៉ាងពិតប្រាកដមួយដែលថា បង្កើនការផឹកទឹកគឺបង្កើនការចុះទម្ងន់ ។ ការសិក្សាបានបង្ហាញទៀតថា ផឹកទឹក២កែវមុនការទទួលទានអាហារពេលព្រឹក ពេលថ្ងៃ និងពេលល្ងាចអាចនាំឱ្យចុះទម្ងន់២,២៦គីឡូក្រាម ។
៣- គ្មានប្រូតេអុីនគ្រប់គ្រាន់ ៖ ការទទួលទានអាហារប្រចាំថ្ងៃសម្បូរដោយកាឡូរីច្រើនគឺពិតជាពិបាកធ្វើឱ្យទម្ងន់ខ្លួនចុះ ។ ជាដំបូន្មាន អ្នកជំនាញលើកឡើងថា គេគួរទទួលទានអាហារដែលសម្បូរដោយប្រូតេអុីន ។ អាហារទាំងនោះមានដូចជា សាច់មាន់គ្មានស្បែក ពពួកអាហារសមុទ្រ មាន់តួកគី សាច់ចំឡក(សាច់ជ្រូក)...។
៤-ទទួលទានវត្ថុរាវដែលមានកាឡូរីច្រើន៖ កាឡូរីដែលជ្រៀតចូលក្នុងរាងកាយក្នុងទម្រង់ជាវត្ថុរាវគឺជាកាឡូរីគ្មានប្រយោជន៍ ។ វាមិនធ្វើឱ្យអ្នកឆ្អែតនោះទេ ។
៥- ទទួលទានដំណេកមិនគ្រប់គ្រាន់៖ ដំណេកគ្រប់គ្រាន់អាចជាកត្តាសំខាន់មួយរក្សាទម្ងន់ខ្លួនឱ្យស្ថិតក្នុងកម្រិតសុខភាព ។ ការសិក្សាដាច់ដោយឡែកពីគ្នាធ្វើឡើងដោយសាកលវិទ្យាល័យស៊ីកាហ្គោ និងសាកលវិទ្យាល័យស្ទែនហ្វតបានបង្ហាញថា ដំណេកមិនគ្រប់គ្រាន់អាចនាំឱ្យកម្រិតអ័រម៉ូន Leptin ថយចុះខណៈកម្រិតអ័រម៉ូន Ghrelin(ដែលបញ្ជាការឃ្លាន)កើនឡើង ។ មនុស្សមានសេចក្តីស្រេកឃ្លានកាន់តែខ្លាំងនៅពេលដែលអ័រម៉ូនប្រភេទនេះ(Ghrelin) កើនឡើងខ្ពស់ ។
៦- ទម្លាប់មិនទទួលទានអាហារពេលព្រឹក៖ មនុស្សមួយចំនួនពិតជារវល់ខ្លាំងរហូតគ្មានពេលទទួលទានអាហារពេលព្រឹក ។ ប៉ុន្តែដើម្បីរក្សាមិនឱ្យឡើងទម្ងន់ គេគួរលៃពេលណាមួយទទួលទានអាហារពេលព្រឹកបើទោះបីជាមិនឃ្លានក្តី ។អាហារពេលព្រឹកអាចជួយសម្រួលដល់ការរំលាយអាហារក្នុងរាងកាយនិងបង្ខំឱ្យមានការដុតបំផ្លាញកាឡូរី ។
៧- មិនដែលហាត់ប្រាណលើកទម្ងន់៖ គេមិនអាចធ្វើឱ្យទម្ងន់ខ្លួនចុះភ្លាមៗតាមរយៈរបបអាហារតែមួយមុខនោះទេ ។ ការហាត់ប្រាណលើកទម្ងន់និងលំហាត់ប្រាណបេះដូងជាផ្នែកមួយផ្សេងទៀតជំរុញដល់ការរំលាយអាហារនិងដុតបំផ្លាញកាឡូរី ៕
|
|
|
| . |
|
|
 |
|
|
| . |
|
|
រៀល កម្ពុជា (1US$: KHR)
|
4015 |
4022 |
|
បាត ថៃឡង់ (1US$: THB)
|
31.48 |
31.55 |
|
ដុង វៀតណាម (1US$: VND)
|
22,720 |
22,800 |
|
ដុល្លារ ហុងកុង (1US$: HKD)
|
7.75 |
7.87 |
|
យ៉េន ជប៉ុន (100JPY: US$)
|
0.905 |
0.910 |
|
ដុល្លារ សឹង្ហបុរី (10SGD: US$)
|
7.58 |
7.63 |
|
រីងហ្គីត ម៉ាឡេស៊ី (10MYR: US$)
|
2.55 |
2.57 |
|
ផោន អង់គ្លេស (1GBP: US$)
|
1.405 |
1.410 |
|
យូរ៉ូ អឺរ៉ុប (1EUR: US$)
|
1.240 |
1.245 |
|
ហ្វ្រង់ ស្វីស (1CHF: US$)
|
0.905 |
0.910 |
|
ដុល្លារ អូស្ត្រាលី (1AUD: US$)
|
0.787 |
0.792 |
|
ដុល្លារ កាណាដា (1CAD: US$)
|
0.800 |
0.805 |
|
មាស គីឡូ (1CHI: US$)
|
160.5 |
161.5 |
|
កែប្រែរចុងក្រោយ ៖
09 - February - 2018
|
|
|
.gif)
