SuperAngkor News | Cambodia News | Khmer News | World News | News | Health | Technoloy | Star | Travel

និយាយពីជីវិតលើគ្រែ គូស្វាមីភរិយាទាំងអស់រមែងជួបភាពមិនទៀងទាត់ជួនបានល្អ តែជួនក៏មិនបានល្អ។ ប៉ុន្តែមានវិធីច្រើនយ៉ាងដើម្បីជំរុញឱ្យមានភាពស្និទ្ធស្នាល ។ ខាងក្រោមនេះជាវិធីសាស្ត្រ៣ចំណុចដែលយើងសង្ឃឹមថាអាចជួយជំរុញថាមពលសិចរបស់លោកអ្នកបានប្រសើរ ៖

១-ត្រូវពិនិត្យមើលលើរបបអាហារដែលទទួលទានប្រចាំថ្ងៃ ៖ អ្នកប្រហែលជាមិនបានគិតទេថា អ្វីដែលអ្នកទទួលទានមានឥទ្ធិពលលើជីវិតសិច ។ របបអាហារនិងសិចគឺធ្វើដំណើរទៅទាំងព្រមគ្នា ។ អាហារគ្មានថាមពល=គ្មានជីវិតសិច ។ ថាមពលបានមកពីអ្វីដែលអ្នកទទួលទាន។ អ្នកកាន់តែមានភាពហត់នឿយ ចំណង់សិចរបស់អ្នកក៏កាន់តែថយចុះផងដែរ ។ ដូច្នេះគន្លឹះសំខាន់គឺទទួលទានអាហារណាដែលបង្កើតថាមពល ។ អ្នកអាចផ្តោតលើអាហារដែលមានប្រូតេអុីនគ្រប់គ្រាន់ ផ្លែឈើស្រស់ៗនិងបន្លែពណ៌បៃតងជាដើម ។ ខ្លាញ់ល្អក៏សំខាន់ណាស់ដែរ ដ្បិតវាបានជួយចិញ្ចឹមខួរក្បាលរបស់យើង ។ កាលណាខួរក្បាលមានថាមពល ការចាប់ផ្តើមសិចក៏ល្អដែរ ។ ដូច្នេះសូមទទួលទានអាហារដែលរាងកាយនិងខួរក្បាលត្រូវការ។ សណ្តែកមានប្រេង ខ្លាញ់ត្រី ប្រេងអូលីវ ប្រេងដូងនិងផ្លែប៊័រសុទ្ធតែជាប្រភពសម្បូរដោយខ្លាញ់ល្អផ្តល់លំនឹងដល់រាងកាយ ។

២- គ្រប់គ្រង Stress ឱ្យបាននិងយកចិត្តទុកដាក់ចងចាំរឿងអ្វីមួយ ៖ ប្រសិនជាអ្នកហត់នឿយនឹងការងារពេញមួយថ្ងៃ សិចនឹងក្លាយជារឿងចុងក្រោយគេក្នុងចិត្តរបស់អ្នក ។ តែយ៉ាងណា នេះគឺជារឿងធម្មតា ។ Stress គឺជាកំពូលថ្នាំដែលសម្លាប់ជីវិតសិច ហើយបញ្ហានេះ គូស្វាមីភរិយាមួយចំនួនពិតជាបានដឹង ។ បន្ថយ Stress ក្នុងចិត្តគឺជាមធ្យោបាយមួយជួយឱ្យជីវិតសិចបានល្អប្រសើរ ។ អ្នកអាចធ្វើបែបនេះបានដោយការយកចិត្តទុកដាក់ចងចាំអ្វីមួយក្នុងចិត្ត ។ នេះមានន័យថា ស្ថិតក្នុងពេលបច្ចុប្បន្នអ្នកគួរគិតតែបញ្ហាក្នុងបច្ចុប្បន្នបានហើយ ។ មិនត្រូវបណ្តោយខ្លួនឱ្យលង់ជាប់ផុងស្លុងគិតរឿងពីម្សិលមិញឬថ្ងៃស្អែកដែលស្មុគស្មាញឡើយ ។ ប្រសិនជាអាចធ្វើបាននោះ ចិត្តអ្នកនឹងគ្មានការជំពាក់ បាត់អស់Stress និងទទួលបានភាពរីករាយក្នុងជីវិតសិចស្រណុកមិនខាន ។ ក្នុងពេលចិត្តរបស់អ្នកកាន់តែផ្តោតលើរឿងកំពុងធ្វើបច្ចុប្បន្នជាពិសេសអំឡុងពេលរួមសិច អ្នកពិតជាទទួលបានភាពសប្បាយរីករាយមិនខាន ។

៣-ហាត់ប្រាណជាមួយដៃគូស្នេហ៍របស់ខ្លួន ៖ ការធ្វើសកម្មភាពហាត់ប្រាណបែកញើសជាមួយដៃគូស្នេហ៍គឺប្រសើរជាងការហាត់ប្រាណតែម្នាក់ឯង ។ ការចេញទៅរត់ឬជិះកង់ជាមួយគ្នាជាចំណុចល្អមិនអាចខ្វះបានដ្បិតវាមិនត្រឹមតែជួយបង្កើនថាមពលប៉ុណ្ណោះទេ តែវាជួយឱ្យអ្នកទទួលបានពេលវេលាស្និទ្ធស្នាលជាមួយគ្នាទៀតផង ។ អ្វីទាំងនេះគឺជាឈ្នាន់ឈានទៅរកជីវិតសិចដែលល្អប្រសើរជាងមុន ។ ការហាត់ប្រាណបានបញ្ចេញនូវអ័រម៉ូននិងសារធាតុគីមីក្នុងរាងកាយគ្រប់ប្រភេទទាំងអស់ ៕