SuperAngkor News | Cambodia News | Khmer News | World News | News | Health | Technoloy | Star | Travel

BarCamp Sihanoukvilles 2013 (បារខែមក្រុងព្រះសីហនុ) ជាព្រឹត្តិការណ៍ប្រមូលផ្ដុំអ្នកមានបទពិសោធន៍ក្នុងការងារក្នុងវិស័យបច្ចេកវិទ្យា បទពិសោធន៍ធ្វើអាជីវកម្ម ដើម្បីចែករំលែកចំណេះដឹង និងបទពិសោធន៍ទាំងនោះដល់សិស្សនិស្សិត បុគ្គលិកអង្គការ ក្រុមហ៊ុននានា ក្នុងទីរួមខេត្តព្រះសីហនុ ជាមួយប្រធានបទទាក់ទងទៅនឹង បច្ចេកវិទ្យា និងសហគ្រិនភាព ក៏ដូចជាចំណេះដឹងអ៊ីនធឺណិតនិងព័ត៌មានសង្គមជាដើម ។ល។

នេះជាឱកាសពិសេសសម្រាប់ យុវជន/យុវនារី ក្នុងខេត្តព្រះសីហនុ ជួបជាមួយវាគ្មិនដែល ដែលអញ្ជើញមកពីបណ្ដាស្ថាប័ននានា ក៏ដូចជាបណ្ដាប្រទេសក្នុងតំបន់មាន ថៃ វៀតណាម សិង្ហបុរី ម៉ាឡេស៊ី ជាដើម។ ព្រឹត្តិការណ៍នេះប្រារព្ធឡើងនៅថ្ងៃទី ៧ និង ៨ ខែ ធ្នូ ឆ្នាំ ២០១៣ នៅសាកលវិទ្យាល័យបៀលប្រាយសាខាខេត្តព្រះសីហនុ។

សេចក្ដីប្រកាសព័ត៌មានរបស់បារខែមក្រុងព្រះសីហនុ បានបង្ហាញថា ក្រោមការឧបត្ថម្ភពីទីភ្នាក់ងារសហរដ្ឋអាមេរិកដើម្បីអភិវឌ្ឍន៍អន្តរជាតិ (USAID) កម្មវិធីបានដឹកនាំវាគ្មិនមកចូលរួមចំនួន ៥០នាក់ និងមានប្រធានបទសរុបរយៈ ពេល ២ ថ្ងៃ សម្រាប់ចែករំលែក ចំនួន ៦៤ ប្រធានបទ និងមានអ្នកចូលរួមជាង ៥០០នាក់។

សេចក្ដីប្រកាសព័ត៌មានបានបន្តថា កម្មវិធីនេះដំណើរការទៅបានដោយ ការចូលរួមឧបត្ថម្ភ និងគាំទ្រកម្មវិធីមានដូចជា សាកលវិទ្យាល័យបៀលប្រាយ អង្គការ USAID ក្រុមហ៊ុន Cellcard, NOKIA, ONLINE, Sabay, Khmer79, InSTEDDiLab South-East, Microsoft, TITB, ទស្សនាវដ្ដីទូរស័ព្ទ, ទស្សនាវដ្ដីពិភពអេឡិចត្រូនិក, វិទ្យាស្ថានបើកទូលាយ, YCC និងសមាគមន៍យុវជនខ្មែរ (KYA), Porpok, Phnom Penh GBG ជាពិសេសការចូលរួមជួយជ្រោមជ្រែងពីសំណាក់ ថ្នាក់ដឹកនាំ នៃសាកលវិទ្យាល័យបៀលប្រាយ សាខាខេត្តព្រះសីហនុ ព្រមទាំងរៀបចំដោយក្រុមអ្នកស្ម័គ្រចិត្តមិនស្វែងរកប្រាក់ចំនេញមួយក្រុមដែលមានទស្សនៈវិស័យរួមគ្នាក្នុងការធ្វើឲ្យកើតឡើងនៅឱកាសពិសេសសម្រាប់សិស្ស និស្សិត បុគ្គលិកក្រុមហ៊ុន អង្គការនិងអ្នកអាជីពខ្មែរយើងនៅខេត្តព្រះសីហនុ បានយល់ដឹងពីវិស័យបច្ចេកវិទ្យានិងអាជីវកម្ម៕