SuperAngkor News | Cambodia News | Khmer News | World News | News | Health | Technoloy | Star | Travel

ក្រុមអ្នកជំនាញការកាណាដា បានអភិវឌ្ឍន៍ដោយជោគជ័យប្រភេទសម្លៀកបំពាក់ឆ្លាតវៃ ដែលអាចប្តូរសណ្ឋាន និងពណ៌សម្បុរ នៅតាមចលនារបស់អ្នកស្លៀកពាក់វា ។ គំរោងការ "Karma chameleon" ត្រូវបានចាប់ផ្តើមពីសាកល វិទ្យាល័យ concordia នៅ Montreal ហើយបើតាមនោះបណ្តាសរសៃសូត្រអេឡិចត្រូនិកត្រូវបានត្បាញចូលក្នុងសម្លៀកបំពាក់ធ្វើឲ្យវាអាចស្តុកទុកថាមពលពីសរីរាង្គ ។ ប្រភេទឯកសណ្ឋានឆ្លាតវៃនេះរួមមានរ៉ូបមួយដែលអាចប្តូរផ្លាស់សណ្ឋានពណ៌សម្បុរព្រមទាំងអាវសឺមី ដែលអាចសាកបញ្ចូលថ្មដល់ទូរស័ព្ទចល័ត ។

សាស្ត្រាចារ្យ Joanna Berzowska នៃមហាវិទ្យាល័យប្លង់ និង វិចិត្រសិល្បៈចំណុះសាកលវិទ្យាល័យ Concordia ឲ្យដឹងថា គេត្រូវការពេលវេលាបន្ថែមសម្រាប់ស្រាវជ្រាវ មុនពេលដែលសម្លៀកបំពាក់នេះបង្ហាញវត្តមានតាមដងវិថី ។

គោលដៅដំបូងគឺសម្លៀកបំពាក់អាចប្រែប្រួលតាមវិធីដ៏ស្មុគស្មាញមួយ ហើយគួរឲ្យភ្ញាក់ផ្អើលផងដែរ ។ បន្ទាប់មកគឺអាវសម្រាប់គ្រងខាងក្រៅ តែអាចពាក់បញ្ច្រាសអាវសឺមីដើម្បីប្តូរពណ៌ដើម្បីសម្របនឹងសីតុណ្ហភាព... ។ ហេតុនេះឯងទើបគំរោងនេះនៅបានឲ្យឈ្មោះថា "តុកកែផ្កា Karma" ។

សាស្ត្រាចារ្យខាងលើបានឲ្យដឹងថា ការប្តូរផ្លាស់សំខាន់ថ្មីរបស់គំរោងការនេះ គឺសមត្ថភាព "ជ្រលក់" បណ្តាសមត្ថកិច្ចអេឡិចត្រូនិក និងកុំព្យូទ័រ នៅក្នុងក្រណាត់សូត្រ ។ សរសៃសូត្រនៃក្រណាត់នោះរួមមានស្រទាប់ Polyme ច្រើនស្រទាប់ ពេលដែលគេទាញវាធ្វើឲ្យវិជ្ជមាត្ររបស់វាកាន់តែតូច ហេតុនេះវាចាប់ផ្តើមប្រតិកម្មប្រទាក់ក្រឡាគ្នា ។

ប្រភេទសរសៃសូត្រឆ្លាតវៃនេះនឹងមានប្រតិបត្តិការច្រើនពិសេសចំពោះសម្លៀកបំពាក់បង្កើនកំដៅឲ្យអ្នកស្លៀកពាក់វា ។ សម្លៀកបំពាក់របស់កងទ័ពអាចត្រូវបានប្រើប្រាស់ប្រភេទសរសៃសូត្រពិសេសនេះមុនគេ ។ តាម Daily Mail គំនិតដ៏អស្ចារ្យនេះ នឹងត្រូវបានសាស្ត្រាចារ្យ Berzowska ឧទ្ទេសនាមក្នុងសិទ្ធិជនស្តីពីក្រណាត់ឆ្លាតវៃ ២០១៣ ប្រព្រឹត្តទៅនៅសានហ្វ្រាន់ស៊ីស្កូ ៕