SuperAngkor News | Cambodia News | Khmer News | World News | News | Health | Technoloy | Star | Travel

តារាបង្ហាញម៉ូតល្បីៗ របស់កម្ពុជា ចំនួន៨០នាក់ មកពីក្រុមបង្ហាញម៉ូត Sun Models, Cambodia Super Models, ក្រុមបង្ហាញម៉ូតសាពណ៌ និងក្រុមបង្ហាញម៉ូត DGA Entertainment ដែលនឹងអាចធ្វើឲ្យព្រឹត្តិការណ៍នេះក្លាយជាការជួបជុំអ្នកច្នៃម៉ូតល្បីៗ និងជាព្រឹត្តិការណ៍ បង្ហាញម៉ូតធំប្រចាំឆ្នាំ២០១៤។ នេះបើតាមការឲ្យដឹងពី លោក Ly Souden នាយកប្រតិបត្តិក្រុមហ៊ុន Sovereign Retail Group ក្នុងសន្និសីទសារព័ត៌មាន កាលពីព្រឹកថ្ងៃទី៣០ ខែធ្នូ ឆ្នាំ២០១៣ នៅសណ្ឋាគាឡឺរ៉ូយ៉ាល់។

ព្រឹត្តិការណ៍បង្ហាញម៉ូតលំដាប់អន្តរជាតិដែលមានឈ្មោះថា Cambodia Fashion Illumimation Spring/Summer 2014 នឹងត្រូវធ្វើឡើងនៅរាជធានីភ្នំពេញ នៅថ្ងៃទី២១ និង២២ ខែកុម្ភៈឆ្នាំ២០១៤ ដោយចូលមានការចូលរួមពីសំណាក់តារាបង្ហាញម៉ូតល្បីៗ និងផលិតផលសំលៀកបំពាក់ ម៉ាកល្បីៗ លំដាប់ជាតិ និងអន្តរជាតិជាច្រើនផងដែរ។

លោកបញ្ជាក់ថានេះគឺជាលើកទី២ដែលក្រុមហ៊ុនលោកបានសហការជាមួយដៃគូជាច្រើនដើម្បីរៀបចំព្រឹត្តិការណ៍លំដាប់អន្តរជាតិនេះឡើង។ លោកបន្តទៀតថា វាគឺជារដូវកាលថ្មីនៃរដូវស្លឹកឈើលាស់ និងរដូវក្តៅហើយគោលបំណងសំខាន់នៃការរៀបចំកម្មវិធីនេះ គឺមិនមែនដើម្បីជាការស្វែងរកប្រាក់ចំណូលទេ គឺដើម្បីចូលរួមចំណែកជួយជំរុញ គាំទ្រ វិស័យសំលៀកបំពាក់កម្ពុជា និងម៉ាកសម្លៀកបំពាក់ដែលបង្កើតឡើងដោយអ្នករចនាម៉ូតក្នុងស្រុកឲ្យកាន់តែរីកចម្រើននិងជឿនលឿនស្របជាមួយនឹងបរិបទថ្មីដែលកម្ពុជា នឹងធ្វើសមាហរកម្មសេដ្ឋកិច្ច អាស៊ាន ឆ្នាំ២០១៥ខាងមុខ។

លោកបញ្ជាក់ដែរថាព្រឹត្តិការណ៍នេះនឹងត្រូវបានធ្វើឡើងនៅមជ្ឈមណ្ឌលពិព័រណ៍កោះពេជ្រអាគា City Hall រយៈពេល២ថ្ងៃជាប់គ្នា ហើយវាក៏ជាឱកាសអាចប្រមូលផ្តុំក្រុម អ្នកបង្ហាញម៉ូត មកពីក្រុមតារាបង្ហាញម៉ូតល្បីៗនៅកម្ពុជា អ្នកច្នៃម៉ូត និងមហាជនជាច្រើន ដែលនិយមចូលចិត្តវិស័យនេះ។

លោកបញ្ជាក់ថា មានម៉ាកសញ្ញាផលិតផលសម្លៀកបំពាក់ល្បីៗជាតិ និងអន្តរជាតិសរុប១៤ដែល៨ម៉ាកមកពីបរទេសមានម៉ាក AXARA មកពីបារាំង, MANGO មកពីអេស្ប៉ាញ, E.PSE, VNC, SUBZERO, BONIA មកពីម៉ាឡេស៊ី, LEVI’S មកពីអាមេរិក, FLAXUS TOKYO មកពីជប៉ុនជាដើម ហើយក្នុងនេះមានសម្លៀកបំពាក់ច្នៃដោយអ្នករចនាម៉ូតក្នុងស្រុកមកពី NATACHA VAN, CGBCN, SOKNAN, RONG, SEAM FASHOIN និងCHIN FDESING។

អ្នកគ្រប់គ្រងរូបនេះបញ្ជាក់ដែរថា សំបុត្រតម្លៃ២០ដុល្លារអាមេរិក និងត្រូវដាក់លក់សម្រាប់អ្នកចូលរួមទស្សនាក្នុងកម្មវិធីនេះ។ ហើយអ្វីដែលលោករំពឹងដែរនោះ គឺវិស័យសម្លៀកបំពាក់នឹងទទួលបានការគាំទ្រពីមហាជនកាន់តែច្រើនស្របពេលដែលវិស័យនេះកំពុងបោះជំហានទៅមុខយ៉ាងលឿនស្របតាមការវិវឌ្ឍន៍សង្គមដូចបណ្តាប្រទេសដទៃទៀតនៅជុំវិញសាកលលោក៕