លឹម ថៃគីមចាំង បម្រាមម្តាយ ទើបកេរ្តិ៍ឈ្មោះ មិនសូវលេចធ្លោ
|
January 22, 2014 (09:24:07)
|
[ 639 ] |
|
|
|
|
មានការកត់សម្គាល់ឃើញថា ក្រោយពីបានឈានជើង ចូលប្រឡូកក្នុងវិស័យសិល្បៈមួយរយៈ តារាសម្តែងស្រីមុខកូនកាត់ នាង លឹម ថៃគីមចាំង ហាក់ទទួលបាននូវប្រជាប្រិយភាពគួរសម តាមរយៈអ្នកដឹកនាំសិល្បៈមួយចំនួន ទំនាក់ទំនងថត ជាបន្តបន្ទាប់ ។ ប៉ុន្តែយ៉ាងណាក៏ដោយ កេរ្តិ៍ឈ្មោះរបស់តារាស្រី ចំណូលថ្មីរូបនេះ មិនទាន់លេចធ្លោខ្លាំងនៅឡើយទេ បើធ្វើការប្រៀបធៀប ជាមួយបណ្តាតារាស្រី វ័យស្រករគ្នាផ្សេងៗទៀត ។
ពាក់ព័ន្ធនឹងបញ្ហានេះ ត្រូវបាននាង លឹម ថៃគីមចាំង បកស្រាយថា ហេតុផលតែមួយគត់ ដែលធ្វើឲ្យប្រជាប្រិយភាពរបស់នាង មិនអាចដើរទៅមុខបាន គឺដោយសារតែនាង មិនហ៊ានបំពានទៅនឹងបម្រាមម្តាយ។ នាងអះអាងថា អ្នកមានគុណទាំងពីរ បានហាមឃាត់ដាច់ខាត មិនឲ្យនាងបណ្តោយខ្លួន ចូលប្រឡូកទៅក្នុងពិភពសិល្បៈ ជ្រៅពេកទេ ព្រោះពួកគាត់ មានការព្រួយបារម្ភ អំពីសុខភាព និងសុវត្ថិភាពរបស់កូន ។
នាង គីមចាំង បានលើកឡើងថា កន្លងទៅថ្មីៗនេះ នាងបានបាត់បង់ឱកាសធំៗពីរ បន្ទាប់ពីនាងបានបដិសេធចោល នូវសំណើរបស់អ្នកដឹកនាំរឿងល្បីឈ្មោះ អ្នកស្រី ពាន់ ភួងបុប្ផា និងអ្នកដឹកនាំរឿងរបស់ផលិតកម្មខ្មែរមេគង្គ ដែលពួកគាត់ទាំងពីរ បានទំនាក់ទំនងមកនាង ឲ្យចូលរួមថតរឿងឲ្យ។ នាងបានសង្កត់ធ្ងន់ថា ដោយឈរលើហេតុផលរបស់ឪពុកម្តាយ មិនចូលចិត្តឲ្យនាងថតឈុតឆាកស្នេហា ឱបថើប ក៏ដូចជា ការបារម្ភអំពីសុវត្ថិភាព និងសុខភាពរបស់នាង នៅពេលចេញទៅថត ឆ្ងាយពីផ្ទះច្រើនថ្ងៃនេះហើយ ទើបធ្វើឲ្យកេរ្តិ៍ឈ្មោះរបស់នាង មិនអាចបោះជំហាន ចូលទៅក្នុងការសម្តែងខ្សែភាពយន្ត គឺបានត្រឹមតែបង្ហាញមុខ នៅតាមស្ប៉តពាណិជ្ជកម្មខ្លីៗ ថតម៉ូតខោអាវឲ្យទស្សនាវដ្តីមួយចំនួន ដើរម៉ូត ក៏ដូចជា ការសម្តែងខារ៉ាអូខេ ឲ្យផលិតកម្មក្នុងស្រុក បន្តិចបន្តួចតែប៉ុណ្ណោះ។
យ៉ាងណាក៏ដោយ តារាស្ប៉តពាណិជ្ជកម្ម របស់ក្រុមហ៊ុន Cellcard និង qb នាង លឹម ថៃគីមចាំង បានប្រលយថា នាងស្វាគមន៍ជានិច្ច សម្រាប់សំណើសុំរបស់បណ្តាអ្នកដឹកនាំសិល្បៈ ឲ្យនាងចេញថតស្ប៉តពាណិជ្ជកម្ម និងសម្តែងជាខារ៉ាអូខេ។ ផ្ទុយទៅវិញ ចំពោះការថតជាខ្សែភាពយន្ត ដែលនាងគិតថា អាចជំរុញអោយកេរ្តិ៍ឈ្មោះរបស់នាង កាន់តែលេចធ្លោ នៅលើវិថីសិល្បៈនោះ ប្រហែលជាមិនមានឱកាសឡើយ ព្រោះដូចនាងបានលើកឡើងខាងលើហើយ ដោយសារជាប់បម្រាមម្តាយ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|