SuperAngkor News | Cambodia News | Khmer News | World News | News | Health | Technoloy | Star | Travel

នៅពីក្រោយការប្រគំតន្ដ្រី ក្នុងខេត្តស្ទឹងត្រែង កាលពីថ្ងៃទី២៩ ខែមីនា ឆ្នាំ២០១៤ បានកើតមាននៅរឿងរ៉ាវ ចម្រូងចម្រាសមួយ ដែលធ្វើឲ្យតារាចម្រៀង លំដាប់កំពូល ព្រាប សុវត្ថិបានសម្ដែងការអាក់អន់ស្រពន់ចិត្តរហូតដល់ ថ្នាក់ប្ដឹង មន្ដ្រីកងរាជអាវុធ ខេត្ដស្ទឹងត្រែង ឲ្យផ្អាកការប្រគំតន្ដ្រីនោះ ទាំងពាក់កណ្ដាលទីព្រោះតែលោកខឹងនឹងក្រុម ហ៊ុន Smart បានយករូប(ផ្ទាំងប៉ាណូ) ទៅតាំងពីក្រោយឆាកប្រគំតន្ដ្រីទាំងគ្មានវត្តមានរូបលោក ទៅច្រៀងនៅទីនោះ និងមានទំហំតូច ជាងរូបរបស់តារាចម្រៀង ខេមរៈ សិរីមន្ដ។

ពាក់ព័ន្ធទៅនឹងការអាក់អន់ ស្រពន់ចិត្ត ពីសំណាក់កំពូល តារាចម្រៀង ព្រាប សុវត្ថិ រហូតដល់ថ្នាក់ទូរស័ព្ទទាំងយប់ ប្ដឹងមន្ដ្រី PM នៅក្នុងខេត្តស្ទឹងត្រែង ផ្អើលអស់ អ្នកទស្សនានៅទីនោះ តារាចម្រៀងព្រាប សុវត្ថិ មិនបានបកស្រាយ ឬនិយាយអ្វីច្រើននោះទេ ដោយលោកបង្វែរសំណួរឲ្យ ទៅសួរតំណាងក្រុមហ៊ុន SLដែលជាអ្នករៀបចំទទួលការប្រគំ តន្ដ្រីនេះពីក្រុមហ៊ុន Smart ។ ព្រាប សុវត្ថិ និយាយថា «ខ្ញុំមិននិយាយទេណា... អាចទាក់ទងទៅខាង SL វិញ ខ្ញុំ កំពុងជាប់រវល់ អរគុណណា... អរគុណ» ។

ដោយឡែកអ្នកព័តមានបានធ្វើការទំនាក់ទំនង ទៅតំណាងក្រុមហ៊ុន SL រៀបចំការប្រគំតន្ដ្រីនេះ ពីក្រុមហ៊ុន Smart តែមិនបានសម្រេច ។ យ៉ាងណាមិញ តំណាងក្រុមហ៊ុន Smart បានថ្លែងឲ្យដឹងថា ចំពោះបញ្ហានេះ តម្រូវ ឲ្យស្ថា ប័នព័ត៌មាន ផ្ញើជាសំណួរទៅកាន់ក្រុមហ៊ុន Smart ជាមុនសិនដើម្បីត្រូវពិចារណាថា សំណួរណាអាចឆ្លើយបាន និងសំណួរណាឆ្លើយមិនបាន និងផ្ដល់ដំណឹងមកវិញ។

ដោយឡែកលោក អៀង វណ្ឌីមេបញ្ជាការកងរាជអាវុធហត្ថ ខេត្តស្ទឹងត្រែងដែលបានទទួលបណ្ដឹងពីតារាចម្រៀង ព្រាប សុវត្ថិបានថ្លែងឲ្យដឹងថា បញ្ហានេះគឺជារឿងទំនាស់បុគ្គល និងបុគ្គលគ្មានអ្វីធ្ងន់ធ្ងរនោះទេ ហើយបានសម្រួល ចប់សព្វគ្រប់ ដើម្បីបានប្រគំតន្រ្ដីបន្ដ ជូនបងប្អូនទស្សនាដែលបានរង់ចាំមើលយ៉ាងច្រើនកុះករ។ លោកនិយាយថា «រឿងហ្នឹង គេហៅថា ទំនាស់បុគ្គល ដោយសាខាង Smart យករូបមកមិនសុំអនុញ្ញាតពីគេ (ព្រាប សុវត្ថិ) អត់មាន អីធ្ងន់ធ្ងរទេ មានតែប៉ុណ្ណឹងទេ ប្រគំតន្ដ្រីឲ្យចប់ទៅ ចុងក្រោយបាននិយាយគ្នាចប់ តែថាចាំស្អែកចាំនិយាយ Ok ចាំ ស្អែកនិយាយក៏បាន ប្រជាជនមកច្រើន ។ ពេលហ្នឹងក៏បាន សុំកម្លាំងខាងខ្ញុំ ទៅការពារ ខនសឺតហ្នឹងដែរ ហើយ បានប្រព្រឹត្តទៅធម្មតា អត់មានពាក់ព័ន្ធអ្វីទៀតទេ បណ្ដឹងនោះ ក៏ដកទាំងយប់វិញដែរ» ។

ទោះបីជាយ៉ាងណា លោក ខេមរៈ ភារុណ ដែលជាបងប្រុសបង្កើត និងជាអ្នកនាំពាក្យរបស់ តារាចម្រៀង ខេមរៈ សិរីមន្ដ ក៏បានថ្លែងឲ្យដឹងដែរថា លោកមិនទាន់បាន ដឹងព័ត៌មាននេះនៅឡើយទេ រង់ចាំមើលសិន៕

(ប្រភពពី៖ ដើមអម្ពិល)