SuperAngkor News | Cambodia News | Khmer News | World News | News | Health | Technoloy | Star | Travel

ភ្នំពេញ: ពិធីកររាងខ្ពស់ស្រលះ អេឡិច ចាន់ត្រា បានសម្រេចធ្វើខួបកំណើតគម្រប់អាយុ ២៨ឆ្នាំ របស់ខ្លួននៅភោជនីយដ្ឋានមួយក្នុងក្រុងភ្នំពេញ ដែលបានអញ្ជើញអ្នកចូលរួមភាគច្រើនសុទ្ធសឹងជាអ្នកសិល្បៈ និងមិត្តភ័ក្រជិតស្និទ្ធ។

បើតាមការគ្រោងទុកតារាចម្រៀងក្នុងក្រុមរៃមាសតោមាសរូបនេះ ធ្វើឡើងនៅថ្ងៃទី១៧ ខែធ្នូ ខាងមុខនេះ នៅភោជនីយដ្ឋាន វីហ្វ្រេន ដែលមានការចូលរួមពីភ្ងៀវជិត ២០តុ។ តារាចម្រៀងច្រមុះស្រូចអេឡិច បាននិយាយថា មុនដំបូងតារារូបនេះ មិនមានគំនិតចង់ធ្វើពិធីខួបកំណើតអីទៀតទេ ព្រោះមានអារម្មណ៍ថាខ្លួនមានកម្មវិធីញឹកញាប់ហើយ តែដោយសារតែមិត្តភ័ក្រជិតស្និទ្ធមួយចំនួន បានធ្វើខួបកំណើត Surpriseឲ្យខ្លួនជាច្រើនលើកច្រើនសារ។

បើរាប់ចាប់តាំងពីមុនថ្ងៃខួបកំណើតពីរថ្ងៃ (០៧ ធ្នូ ២០១៤) តារាចម្រៀងរូបនេះ ត្រូវបានមិត្តភ័ក្រជិតស្និទ្ធនិងមិត្តភ័ក្រសិល្បៈមួយចំនួនបានធ្វើខួបកំណើតបែបភ្ញាក់ផ្អើល មកដល់ថ្ងៃ(១២ ធ្នូ ២០១៤) មានរហូតដល់ ១២ Cake តែម្តង ដោយសារតែមូលហេតុបែបនេះហើយ ទើបតារាចម្រៀងរូបនេះ គិតថាមិត្តភ័ក្ររបស់ខ្លួនពិតជាចង់ឲ្យមានកម្មវិធីនេះ កើតឡើងយ៉ាងគគ្រឹកគគ្រេង ដើម្បីជួបជុំគ្នាឲ្យបានសប្បាយទាំងអស់គ្នា។

ទាក់ទងនឹងកម្មវិធីខួបកំណើត បែបភ្ញាក់ផ្អើលរបស់តារាចម្រៀង អេឡិច ចាន់ត្រា រហូតដល់១២ Cake នេះ ត្រូវបាន អាឡិច និយាយថា“ខួបកំណើតនេះ គឺធ្វើឡើងដើម្បីជួបជុំមិត្តភ័ក្រ ជិតស្និទ្ធ ដែលខានជួបគ្នាយូ ម្យ៉ាងពួកគាត់ចង់ឲ្យមានកម្មវិធីជួបជុំបែបនេះ ដើម្បីជាឱកាសមួយបានជួបជុំមិត្តភ័ក្រចាស់ផង ម្យ៉ាងទៀតមកពីមិត្តភក្រជិតស្និទ្ធទាំងនោះ បានធ្វើបែបភ្ញាក់ផ្អើលឲ្យខ្ញុំរំភើបមែនទែន”។

សូមបញ្ជាក់ថា តារាៗ ធ្វើខួបកំណើត Sursprise ឲ្យតារាចម្រៀង អេឡិច ចាន់ត្រា មានដូចជា តារាសម្តែងមានសម្រស់ស្រស់សោភា នាង វ៉ាង ស្រីណូ តារាចម្រៀងសំឡេងស្រទន់ មាស សុខសោភា តារាសម្តែង លោក ប៉ែន ចំរ៉ុង តារាសម្តែង ទឹមរដ្ឋា និងមិត្តភ័ក្រជិតស្និទផ្សេងទៀតសរុប ១២ cake៕