ការប្រកួតកញ្ញាឯកទេសចរ អន្តរជាតិផ្ដាច់ព្រ័ត្រ ថ្នាក់ជាតិនៅកម្ពុជា និងអន្តរជាតិ នៅប្រទេសវៀតណាម ត្រូវបានពន្យារពេល
|
November 02, 2015 (05:19:59)
|
[ 702 ] |
|
|
|
|
រាជធានីភ្នំពេញ ៖ ការប្រកួតកញ្ញាឯកទេសចរណ៍អន្តរជាតិលើកទី១៩ ឆ្នាំ២០១៥ វគ្គផ្តាច់ព្រ័ត្រនៅប្រទេសកម្ពុជា ត្រូវបានលើកពេល ដោយគម្រោងនឹងធ្វើឡើងនៅថ្ងៃទី១ វិច្ឆិកា ២០១៥ តែត្រូវលើកទៅថ្ងៃទី៦ ធ្នូ ២០១៥ វិញ ខណៈការប្រកួតអន្តរជាតិនៅប្រទេសវៀតណាម ដែលគ្រោងធ្វើនៅក្រុងហាឡុង ថ្ងៃទី២៨ ខែវិច្ឆិកា ២០១៥ ត្រូវលើកពេលទៅធ្វើនៅខែមេសា ឆ្នាំ២០១៦ វិញដោយសារតែសណ្ឋាគារផ្កាយប្រាំ VINPEARL Ha Long Bay Resort ខេត្តក្វាងនិញ បានទទួលរងគ្រោះទឹកជំនន់យ៉ាងធ្ងន់ មិនអាចរៀបចំកម្មវិធីបាន។
នេះបើតាមការឱ្យដឹងពីលោកអេរីក លីម (Eric Lim) នាយកគ្រប់គ្រងប្រចាំប្រទេសកម្ពុជា នៃក្រុមហ៊ុន Aplus Asia Network Ltd ដែលជាអ្នករៀបចំការប្រកួតកញ្ញាឯកទេសចរណ៍នៅកម្ពុជា ។
គួរបញ្ជាក់ថា បេក្ខនារីកញ្ញាឯកចំនួន២៤រូបរបស់កម្ពុជា នឹងប្រកួតគ្នាម្តងទៀត ដើម្បីស្វែងរកជ័យលាភី៨នាក់ ។ ក្នុងចំណោមនោះ មានម្នាក់នឹងត្រូវជ្រើសរើសជាជើងឯកតំណាងកម្ពុជាទៅ ចូលរួមការប្រកួត កញ្ញាឯកទេសចរណ៍អន្តរជាតិពិភពលោកលើកទី១៩ នៅហាឡុង ប្រទេសវៀតណាមឆ្នាំ២០១៦ ដែលមាន៦៨ប្រទេសចូលរួមការប្រកួត។
លោកអេរីក លីម បានបន្តថា ជ័យលាភីលេខ១នៃការប្រកួតកញ្ញាឯកទេសចរណ៍អន្តរជាតិ-កម្ពុជានឹងទទួលបានរង្វាន់១៥.០០០ ដុល្លារអាមេរិក និងឧបត្ថម្ភទៅចូលរួមការប្រកួតវគ្គផ្តាច់ព្រ័ត្រនៅវៀតណាម ។
លោកអេរីក លីម បានឱ្យដឹងថាគោលបំណងនៃការជ្រើសរើសកញ្ញាឯកទេសចរណ៍អន្តរជាតិកម្ពុជានេះ គឺដើម្បីលើកកម្ពស់និងផ្សព្វផ្សាយវប្បធម៌កម្ពុជា និងលើកទឹកចិត្តនារីខ្មែរឱ្យចូលរួមក្នុងការប្រកួតប្រជែងលើឆាកអន្តរជាតិ ។
លោកបញ្ជាក់ថា សម្រាប់លក្ខខណ្ឌបេក្ខនារីដែលអាចដាក់ពាក្យចូលរួមប្រកួតបានត្រូវនៅលីវ មានអាយុចាប់ពី១៨ឆ្នាំដល់២៥ឆ្នាំ មានកម្ពស់ចាប់ពី១,៦៣ម៉ែត្រឡើងទៅមានទម្ងន់មិនលើស៥៥គីឡូក្រាម មានចរិត និងអាកប្បកិរិយា សុភាពរាបសា ។ ការផ្ដល់ពិន្ទុយ៉ាងសុក្រឹតទៅតាមផ្នែក នីមួយៗដូចជា៖ ភាពស្រស់ស្អាត, ប្រជាប្រិយ, ទេពកោសល្យ, ការតុបតែង បែបប្រពៃណី ការសម្តែង និងភាពទាក់ទាញ ។ ការប្រកួតជ្រើសរើសកញ្ញាឯកទេសចរណ៍ អន្តរជាតិត្រូវបានទទួលស្គាល់ទូទាំងពិភពលោកដែលមានការចូលរួមមកពីបណ្ដាប្រទេសជាង៨០ជុំវិញពិភពលោក ហើយកម្មវិធីដែលបានបង្កើតឡើងតាំងពីឆ្នាំ១៩៩៤នេះ ត្រូវបានប្រារព្ធឡើងជារៀងរាល់ឆ្នាំ ។ កញ្ញាឯកទេសរណ៍តំណាងឱ្យប្រទេស នីមួយៗ ត្រូវបានអញ្ជើញមកចូលរួមធ្វើទស្សនកិច្ចនៅប្រទេសម្ចាស់ផ្ទះក្នុងរយៈពេលបីសប្ដាហ៍មុនការប្រកួតផ្ដាច់ព្រ័ត្រក្នុងគោលបំណងដើម្បីលើកកម្ពស់វិស័យ «ទេសចរណ៍ វប្បធម៌និងមិត្តភាព» ។
ខណៈពេលកម្មវិធីប្រកួតថ្នាក់ជាតិ និងអន្តរជាតិត្រូវបានពន្យារពេលនោះ បេក្ខនារីកញ្ញាឯកទេសចរណ៍ទាំង២៥រូប បានដឹកនាំថតរូបនៅតំបន់ទេសចរណ៍ ល្បីៗ ដើម្បីផ្សព្វផ្សាយពីតំបន់ទេសចរណ៍ ល្បីៗរបស់កម្ពុជា ឱ្យបានទៅដល់ពិភពលោកបានដឹង ។ ក្នុងនោះដែរ កញ្ញាឯកទាំង២៥រូបក៏បានទៅទស្សនកិច្ច និងថ្លែងអំណរគុណដល់ម្ចាស់ឧបត្ថម្ភក្នុងកម្មវិធីនេះប្រកួតដូចជា សណ្ឋាគារហ៊ីម៉ាវ៉ារី ក្រុមហ៊ុនស្រាបៀរកម្ពុជា គ្រឿងសម្អាង Revlon ភោជនីយដ្ឋានទន្លេបាសាក់ O HUI ជាដើម ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|