ខេមរៈ សិរីមន្តបញ្ជាក់ថា ខេមរៈ ស្រីពៅ មានជំងឺតែមិនមែនបញ្ហាស្បែក
|
February 26, 2016 (05:55:06)
|
[ 616 ] |
|
|
|
|
រាជធានីភ្នំពេញ ៖ តារាចម្រៀងលោកខេមរៈ សិរីមន្ត បានចេញមុខបកស្រាយទាក់ទិនព័ត៌មានថា ប្អូនស្រីរបស់លោក កញ្ញាខេមរៈ ស្រីពៅ មានប្រតិកម្មស្បែកធ្ងន់ដោយសារប្រើឡេ ។ ខេមរៈ សិរីមន្ត បញ្ជាក់ថា ប្អូនស្រីរបស់លោកមានជំងឺមែន ប៉ុន្តែមិនមែនជំងឺស្បែកដូចការលើកឡើងទេ ។
ការចេញមុខបកស្រាយពីលោកខេមរៈ សិរីមន្ត នេះបន្ទាប់ពីមួយរយៈចុងក្រោយនេះមានពាក្យចចាមអារ៉ាមថា ការបាត់មុខនៅសង្គមសិល្បៈរបស់ខេមរៈ ស្រីពៅ មកពីនាងមានជំងឺធ្ងន់ដោយសារប្រើឡេលាបស្បែក ហើយប្រតិកម្មរហូតឈានដល់ដំណាក់កាលធ្ងន់ ។ ព័ត៌មានមួយនេះធ្វើឱ្យមានការភ្ញាក់ផ្អើលខ្លាំងពីមហាជន ក៏ដូចជាប្រិយមិត្តដែលគាំទ្រនាង ។ ជាថ្មីម្តងទៀតបន្ទាប់ពីលោកខេមរៈ ភារុណ ជាបងប្រុសរបស់ខេមរៈ ស្រីពៅ បញ្ជាក់រួចហើយនោះ តារាចម្រៀងលោកខេមរៈ សិរីមន្ត បានចេញវីដេអូឃ្លីបមួយបង្ហោះតាមហ្វេសប៊ុកបកស្រាយបញ្ជាក់ពីប្អូនស្រីរបស់លោក ។ តាមរយៈវីដេអូឃ្លីបរយៈពេលជាង៨នាទីលោកខេមរៈ សិរីមន្ត អះអាងថា «ខ្ញុំសារភាពថាប្អូនស្រីរបស់ខ្ញុំពិតជាមានបញ្ហាសុខភាពមែន ប៉ុន្តែមិនមែនបញ្ហាសុខភាពស្បែកនោះទេគឺបញ្ហាសុខភាពបំពង់សំឡេងដែលធ្វើឲ្យនាងមិនអាចបកស្រាយចម្រៀងបាន និងបញ្ហាសុខភាពពោះវៀន ក្រពះឯណោះវិញទេ ។ ប៉ុន្តែយើងកំពុងតែបន្តការព្យាបាលនៅប្រទេសថៃដោយល្អិតល្អន់ដើម្បីឲ្យនាងបានធូរស្បើយ និងជាសះស្បើយឡើងវិញ ដើម្បីសម្តែងជូនអ៊ំ ពូ មីងនាពេលខាងមុខ ។
កន្លងមកបងប្រុសរបស់ខ្ញុំបានព្យាយាមលាក់បាំងពីអាការជំងឺប្អូនស្រីរបស់ខ្ញុំនោះ គឺដោយសារតែគាត់ខ្លាចប៉ះពាល់ដល់សតិអារម្មណ៍បងប្អូនអ្នកគាំទ្រ ខ្លាចពួកគាត់មានការព្រួយបារម្ភ ។ ប៉ុន្តែសំណួរដែលសួរនាំពីបញ្ហាស្បែកនោះគឺមិនអាចឆ្លើយបាន ព្រោះវាបានវ៉ៃប្រហារដល់ទឹកចិត្តគាត់ខ្លាំងណាស់ ព្រោះរាល់សំណួរដែលបានសួរនោះ មិនចំទៅនឹងបញ្ហាសុខភាពដែលប្អូនស្រីរបស់ខ្ញុំកំពុងតែជួបប្រទះនេះ ។
ខ្លះមានការលើកឡើងថា ប្អូនស្រីរបស់ខ្ញុំភ្លើតភ្លើនចង់សលឿន ទើបប្រើឡេ ដែលការលើកឡើងនេះបានធ្វើឲ្យប៉ះពាល់ដល់កិត្តិយសរបស់ប្អូនស្រីខ្ញុំ ក៏ដូចជាក្រុមគ្រួសារខ្ញុំទាំងមូលផងដែរ ។ ខ្ញុំចង់បញ្ជាក់ថា ប្រសិនបើមានបញ្ហាបែបនោះមែន ខ្ញុំនឹងមិនឲ្យគ្លីនិក និងផលិតផលទាំងនោះអាចតាំងលក់នៅលើទីផ្សារបានទៀតទេ ខ្ញុំនឹងមិនបណ្តោយឲ្យផលិតផលទាំងនោះទៅបំផ្លាញសុខភាពកូនចៅអ៊ំ ពូ មីង បានទៀតឡើយ ។ ខ្ញុំនឹងបង្ហាញផលិតផលនោះជាសាធារណះឲ្យបងប្អូនបានឃើញ មិនឲ្យផលិតផលនោះចរាចរជាសាធារណៈបានទៀតទេ ប៉ុន្តែវាមិនមែន គឺទាក់ទងទៅនឹងជំងឺនៅក្នុងខ្លួនរបស់នាងទៅវិញទេ ដែលមនុស្សទូទៅតែងតែមានជំងឺបែបនេះ» ។
លោក ខេមរៈ សិរីមន្ត បានថ្លែងអំណរគុណដល់អ្នកគាំទ្រដែលតែងតែយកចិត្តទុកដាក់ពីសុខទុក្ខក្រុមគ្រួសាររបស់លោក ជាពិសេសប្អូនស្រីរបស់លោកខេមរៈ ស្រីពៅ ។ នៅពេលប្អូនស្រីរបស់លោកបានធូរស្បើយពីជំងឺហើយនោះ លោកនឹងបញ្ជាកលម្អិតបន្ថែមទៀត ពីស្ថានភាពរបស់នាង ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|