ហ្វៃ សំអាង គ្រោងចំណាយ៦០ម៉ឺនដុល្លារផលិតភាពយន្តរឿង "សន្តានពស់" បន្តពីរឿង "ចៅពស់កេងកង"
|
February 26, 2016 (06:00:46)
|
[ 669 ] |
|
|
|
|
រាជធានីភ្នំពេញ ៖ លោកហ្វៃ សំអាង គ្រោងផលិតខ្សែភាពយន្តថ្មី រឿង "សន្តានពស់" ដោយចំណាយប្រាក់ក្នុងកម្រិតខ្ពស់៦០ម៉ឺនដុល្លារ ឯណោះ ។ លោកហ្វៃ សំអាង ផលិតខ្សែភាពយន្តនេះចង់ធ្វើឱ្យកក្រើកជាថ្មីម្តងទៀត ក្រោយពីផ្អាកផលិតប៉ុន្មានឆ្នាំកន្លងមក ។ ខ្សែភាពយន្តរឿង "សន្តានពស់" កំពុងស្វែងរកតារាថ្មីចាស់ចូលរួមសម្តែង ។
ខ្សែភាពយន្តខ្នាតធំជាច្រើនរបស់លោក ហ្វៃ សំអាង កន្លងមកទទួលបានជោគជ័យមានដូចជារឿង "ទុំទាវ" រឿង "មរណមាតា" រឿង "ពស់កេងកង" និងរឿង "ចៅពស់កេងកង" ជាដើម ។ ផលិតករល្បីឈ្មោះរូបនេះប្រកាសថា នៅដើមឆ្នាំ២០១៧ លោកនឹងចាប់ផ្តើមផលិតខ្សែភាពយន្តរឿង "សន្តានពស់" ដែលជាខ្សែភាពយន្តខ្នាតធំសាច់រឿងបន្តពីរឿង "កូនពស់កេងកង" និងរឿង "ចៅពស់កេងកង" ។ ខ្សែភាពយន្តនេះពន្យារពេលផលិតរហូតដល់ឆ្នាំក្រោយ ព្រោះលោកហ្វៃ សំអាង ត្រូវជ្រើសរើសតួសម្តែងមានទេពកោសលខ្ពស់ ហើយតំណែងតួឯកនឹងជ្រើសផ្ទាល់ក្នុងកម្មវិធីថ្មីរបស់លោក គឺកម្មវិធី "ស្ពានលេខ១១" ។ ក្រៅពីនេះនឹងមានវត្តមានតារាសម្តែងក្មេងចាស់ ប្រុសស្រី ល្បីៗជាច្រើននាក់ចូលរួមសម្តែងផងដែរ ។
លោកហ្វៃ សំអាង កាលពីពេល ថ្មីៗកន្លងមកបញ្ជាក់ថា ខ្សែភាពយន្តរឿង "សន្តានពស់" ចំណាយការផលិតខ្ពស់ព្រោះតែធ្វើយ៉ាងណាដើម្បីប្រាកដថា ជាខ្សែភាពយន្តមានគុណភាព ហើយទាមទារចំណាយពេលយូរក្នុងការ ផលិត ។ តំណែងតួឯកនឹងប្រគល់ជូនម្ចាស់ជ័យលាភីកម្មវិធី "ស្ពានលេខ១១" ហើយលោកហ្វៃ សំអាង គ្រោងអញ្ជើញសិល្បករពីបរទេសចូលរួមសម្តែងគឺពីប្រទេសចិន និងថៃ ។ លោកសំអាងរំពឹងខ្ពស់ថាខ្សែភាពយន្តដែលលោកគ្រោងផលិតនៅឆ្នាំក្រោយនឹងទទួលបានការគាំទ្រច្រើនព្រោះតែលោកមានគោលការណ៍ច្បាស់លាស់ក្នុងការផលិត ហើយមិនខ្វាយខ្វល់អំពីការប្រកួតប្រជែងទេ ។ "ខ្សែភាពយន្តនេះមិនត្រឹមតែចាក់បញ្ចាំងក្នុងប្រទេសកម្ពុជានោះទេ មានបំណងនាំខ្សែភាពយន្តនេះទៅចាក់បញ្ចាំង និងប្រកួតប្រជែងនៅបរទេសទៀត ពិសេសក្នុងតំបន់អាស៊ាន ខណៈដែលប្រទេសទាំង១០នៅតំបន់អាស៊ានបានធ្វើសមាហរណកម្ម" ។ លោកហ្វៃ សំអាង និយាយបែបនេះ ។
ក្រៅពីគម្រោងផលិតខ្សែភាពយន្តខ្នាតធំរឿង "សន្តានពស់" លោកហ្វៃ សំអាង គ្រោងសហការជាមួយផលិតកម្មនៅក្រៅប្រទេសផលិតខ្សែភាពយន្តភាគពីររឿងបញ្ចូលគ្នា គឺរឿង "កូនពស់កេងកង" និងរឿង "ចៅពស់កេងកង" ។ គុណភាពខ្សែភាពយន្តនេះនឹងខ្ពស់ជាងការផលិតខ្សែភាពយន្ត ផ្សេងៗ ។
លោកហ្វៃ សំអាង ត្រូវសិល្បករ និងផលិតករចាត់ទុកថាជាអ្នកនិពន្ធ និងដឹកនាំកម្មវិធីលេចធ្លោអស់រយៈពេលជាច្រើនឆ្នាំមកហើយ ។ នៅក្នុងឆ្នាំ១៩៩០ លោកហ្វៃ សំអាង ចាប់ផ្តើមនិពន្ធបទចម្រៀង ហើយបទដំបូងមានចំណងជើងថា "កុំស្រឡាញ់ស្រីក្នុងវ័យសិក្សា" ច្រៀងដោយលោកប៊ុន ចាន់ថន មានភាពល្បីល្បាញទូទាំងប្រទេស ។ បន្ថែមលើនេះទៀតលោកសំអាង និពន្ធ និងដឹកនាំរឿងភាពយន្ត និងដឹកនាំថតបទចម្រៀងកាយវិការទទួលបានជោគជ័យជាបន្តបន្ទាប់ ។
ឆ្នាំ១៩៨៩ លោកហ្វៃ សំអាង និពន្ធរឿងភាពយន្ត "បុប្ផាភ្នំពេញ" រឿង "កំលោះឆ្នាំ៩១" រឿង "ឋានសួគ៌នៅឯណា" រឿង"ក្រមុំឆ្នាំ៩២" រឿង "សន្ទូចអត់នុយ" រឿង "ជីវិតតារាភាពយន្ត" និងរឿង "នេះគឺរឿងខ្ញុំ" ។
ខ្សែភាពយន្តដែលលោកហ្វៃ សំអាង ដឹកនាំផលិត និងជោគជ័យមានដូចជារឿង "កូនពស់កេងកង" រឿង "ទុំទាវ" រឿង "មរណមាតា" រឿង "ចៅពស់កេងកង" រឿង "មន្តមាយា" រឿង "ភ្នំទាបជាងស្មៅ" រឿង "ជាតិស្ត្រី" និងរឿង "ពិសស្នេហ៍" ជាដើម ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|