តារាសម្តែងរបស់ទូរទស្សន៍ហុងកុង TVB លោក King Kong Lee កាលពីពេលថ្មីៗកន្លងមកបានប្រកាសពីការបែកបាក់គ្នាជាមួយមិត្តស្រីនាង Yuri Chan ដែលសេពគប់គ្នារយៈពេល៣ឆ្នាំមកហើយ ។ យោងតាមគេហទំព័រ Asian Pop News ឱ្យដឹងថា នាង Yuri មិនយល់ព្រមចំពោះការចែកផ្លូវគ្នានោះទេ ។ នៅពេលត្រូវគេចោទសួររឿងបែកបាក់គ្នាស្រាប់តែនាងស្រក់ទឹកភ្នែក ។ នាង Yuri និយាយថា King Kong Lee នៅមានទ្រព្យសម្បត្តិរបស់គាត់មួយចំនួនក្នុងផ្ទះល្វែង ។
King Kong Lee វ័យ៣៥ឆ្នាំ ជាតារាសម្តែង ពិធីករ និងជាតារាកំប្លែងប្រចាំទូរទស្សន៍ TVB បានចែកផ្លូវគ្នាជាមួយ Yuri Chan តាំងពីឆ្នាំមុនម្ល៉េះ ប៉ុន្តែនាង Yuri បានបដិសេធរឿងនេះ ។ នៅពេលនោះនាងបានគំរាម King Kong Lee ថា «បើចែកផ្លូវគ្នាខ្ញុំនឹងធ្វើអត្តឃាត» ។ ភ្លាមៗនោះ King Kong Lee មិនចង់ឱ្យមានរឿងធំកើតឡើងទើបលែងលើកពីរឿងចែកផ្លូវគ្នាមកនិយាយទៀតទេ ។
King Kong Lee និយាយថា អំឡុងពេលទាក់ទងជាមួយ Yuri Chan ពួកគេតែងតែឈ្លោះគ្នាគ្រប់ពេលដោយសារតែភាពមិនចុះសម្រុងនឹងគ្នា ។ Yuri រឹងរូសខ្លាំងណាស់ ហើយរូបលោកមិនដែលនាំមិត្តភក្កិឱ្យស្គាល់នាងទេ ព្រោះតែចរិតរបស់នាង ។ ដោយឡែកនាង Yuri បានឆ្លើយតបលើបណ្តាញកម្សាន្ត Instagram របស់នាងថា «ការចែកផ្លូវគ្នាបានកើតឡើងកាលពីខែមេសា។ ពីដំបូងឡើយនាងខ្ញុំផ្តល់ពេលវេលាឱ្យពួកយើងទាំងពីរនាក់មុនពេលប្រកាសជាសាធារណៈ ។ ខ្ញុំពិតជារន្ធត់ចិត្តខ្លាំងណាស់បន្ទាប់ពីព័ត៌មានបែកធ្លាយលើអីុនធើរណេត និងគេហទំព័រមួយចំនួន តែខ្ញុំត្រូវតែគោរពតាមការសម្រេចចិត្តរបស់គាត់ ។ នាងខ្ញុំសង្ឃឹមថា ការឆ្លើយតបរបស់ខ្ញុំនឹងកាត់បន្ថយការប៉ះពាល់ដល់មនុស្សគ្រប់គ្នា» ។
.gif)
