SuperAngkor News | Cambodia News | Khmer News | World News | News | Health | Technoloy | Star | Travel

កន្លងមកយើងបានធ្វើការសម្ភាសន៍តែជាមួយសិល្បៈការិនីប៉ុណ្ណោះអំពីវិធីកែច្នៃយ៉ាងណា សម្រាប់ថែរក្សាសម្រស់ របស់ពួកគេ ឲ្យមានភាពស្ថិតថេរនិងមើលទៅក្មេងជាងវ័យព្រោះបើនិយាយអំពីសម្រស់អ្នកណាៗ គេនិយាពីតារាស្រីមួយចំនួន ដែលពួកគេតែងមាន គន្លឹះ ក្នុងការធ្វើឲ្យ សម្រស់របស់ពួកគេនៅតែស្រស់ស្អាតជាក់ស្តែងតារាស្រីមួយចំនួនដែលមានវ័យជ្រេបន្តិចទៅហើយក្តីតែតារាស្រីមួយចំនួន ដូចជា អ្នកនាង យុគ ចិន្តា, អ្នកនាង ចន ចាន់លក្ខិណា, កញ្ញា ដួង ហ្សូរីដា,អ្នកនាង គង់ សុជាតិ, កញ្ញា ញឹម ចាន់ថន វិញសម្រស់របស់ពួកគេនៅតែលេចធ្លោហើយមានស្បែកស្រស់ថ្លា ភ្លឺរលោង មិនចាញ់តារាស្រករក្រោយដែលមានវ័យប្អូនពួកគេជាច្រើនឆ្នាំ។

ដូច្នេះហើយ ពួកគាត់មិនអាចខ្វះបានពីការថែរក្សាសម្រស់របស់ពួកគេឡើយតែថ្ងៃនេះ ស៊ីអ៊ីអិន បានសម្ភាសន៍តារាប្រុសបីដួង ដែលមានស្បែក ស ភ្លឺរលោងមិនចាញ់តារាស្រីៗឡើយ។ ចង់ដឹងទេថា របៀបថែរក្សាស្បែករបស់តារាណាខ្លះដែលមានស្បែកស្អាតភ្លឺថ្លា មិនចាញ់តារាស្រី នោះ?

ជួបជាមួយតារាសម្តែងសាច់សខ្ចី និង ជាពិធីករ យឹម ណារ៉ា បានឲ្យដឹងថា (ខ្ញុំមានវិធីការពារសម្រស់ងាយៗ ប៉ុណ្ណោះដោយសារខ្ញុំ ជាមនុស្សប្រុសដូច្នេះវិធីថែរក្សាសម្រស់របស់ខ្ញុំងាយៗ នោះទេដូចជាពេលដែលខ្ញុំចេញទៅថត ខ្ញុំតែងតែ លាបឡេការពារកម្តៅថ្ងៃទាំងដងខ្លួន និងផ្ទៃមុខ ហើយពេលដែលត្រឡប់មកវិញខ្ញុំធ្វើការលុបលាងជូតសម្អាតធូលីដីដែលវាជាប់និយាយទៅខ្ញុំមិនសូវ យកចិត្តទុកដាក់ លើដងខ្លួន ប៉ុន្មានទេសំខាន់តែលើផ្ទៃមុខប៉ុណ្ណោះ
អតីត Freshie boy រូបនេះបានឲ្យដឹងពីគន្លឹះដែលធ្វើឲ្យផ្ទៃមុខគ្មានមុនថា (ចំណែកផ្ទៃមុខរបស់ខ្ញុំកន្លះខែម្តង ខ្ញុំតែងតែ ទៅម៉ាស្សា ដើម្បីកម្ចាត់ ភាពកខ្វក់នៅលើស្បែកព្រោះវាអាចបង្ករជាមុនបាន ប្រសិនបើយើងមិនបានសម្អាតវាទេ)។

ចំណែកតារាចម្រៀង និងជាពិធីករ អេឡិច ចាន់ត្រាបានឲ្យដឹងខ្លះៗពីវិធីការពារ និង ធ្វើឲ្យស្បែកមានសភាពភ្លឺរលោងថា (ខ្ញុំមិនមានអ្វី ឲ្យពិសេសនោះទេព្រោះថាខ្ញុំមានស្បែកដែលអំនោយផលពីធម្មជាតិហើយតែអ្វីដែលសំខាន់នោះបើយើងចង់ ឲ្យមានស្បែក ភ្លឺរលោង យើងត្រូវ គេងឲ្យបានគ្រប់គ្រាន់ ញាំទឹកឲ្យបានច្រើនលេងកីឡាព្រោះកីឡាធ្វើឲ្យមានសុខភាពល្អ និងបញ្ចេញជាតិពុលនៅក្នុងខ្លួន ហើយអ្វីដែល ជាពិសេសនោះគឺការញាំអាហារដែលមានវីតាមីនគ្រប់គ្រាន់ដើម្បីចិញ្ចឹមដល់សរីរាង្គ)។

“រីឯមុខរបស់ខ្ញុំវិញ គឺលាបឡេការពារកម្តៅថ្ងៃ និង ម៉ាស្សាមុខមួយខែម្តង ព្រោះបើយើងមិនម៉ាស្សាជម្រុះកោសិកាចាស់ចោលទេ មើលទៅមិនឃើញស្បែកភ្លឺឡើយ ទោះបីជាយើង មានស្បែក ស ស្រាប់ហើយក្តី”។

តារាបង្ហាញម៉ូដ រតនៈ វិសិដ្ឋ ស្ថិតនៅក្រុម Cambodia Super Model បានឲ្យដឹងថា (ស្បែកមុខរបស់ខ្ញុំមិនស ដូចគេទេតែមុខរបស់ខ្ញុំ ពេលនេះរលោងហើយគ្មានមុនព្រោះខ្ញុំម៉ាស្សាក្នុងមួយសប្តាហ៍ម្តង ដើម្បីកម្ចាត់កោសិកាចាស់ និងដីដែលជាប់ពេញ មួយអាទិត្យ ចំណែកស្បែកខ្ញុំក៏មិនជាសណាស់ណាដែលអ្វិដែលសំខាន់សម្រាប់ខ្ញុំ គឺ ទៅ Gym រាងរាល់ថ្ងៃដើម្បីឲ្យចេញញើស)៕