SuperAngkor News | Cambodia News | Khmer News | World News | News | Health | Technoloy | Star | Travel

តើលោកអ្នកចាប់អារម្មណ៍ទេ ពេលដែលលោកអ្នក បានឃើញអ្នកសិល្បៈម្តងៗ តើអ្នកធ្លាប់សង្កេតទេថា ពួកគេចូលចិត្តពាក់វ៉ែនតាខ្មៅធំៗ នៅពេលដែលអ្នកសិល្បៈទាំងនោះ ធ្វើដំណើរនៅតាមទីសាធារណៈ ពួកគេដើរផ្សារ ឬតាមភោជនីយដ្ឋានម្តងៗ។

ពាក់វ៉ែនតា គ្រាន់តែជាស្តាយ ,ការការពារពន្លឺថ្ងៃ, បញ្ហាអៀនខ្មាស់ការគេចពីក្រសែរភ្នែករបស់មហាជនដោយសារតែការសម្លឹងព្រមគ្នារបស់ទស្សនិកជនពេលដែលតារាទាំងនោះស្ថិតនៅក្នុងកណ្តាលចំណោមនៃអ្នកគាំទ្រក៏ដូចជាការសម្លឹងមិនដាច់ភ្នែករបស់ពួកគេទាំងនេះហើយជាមូលហេតុដែលធ្វើឲ្យអ្នកសិល្បៈមួយចំនួនធំនិយាយជារួមស្ទើរតែទាំងអស់នៃអ្នកសិល្បៈប្រើប្រាស់វ៉ែនតាខ្មៅធំៗដើម្បីរាំងខ្ទប់នូវចំណាំងភ្នែកទាំងនោះ។

តារាបង្ហាញម៉ូដរាងខ្ពស់ស្រលះ មានរាងរៅជាតារាបង្ហាញខ្នាតអន្តរជាតិកញ្ញា ទឹម រដ្ឋា បានឲ្យដឹងថា “តាមខ្ញុំយល់ ពាក់វ៉ែនតា មានពីរទីមួយខ្ញុំពាក់វាដើម្បីការពារកម្តៅថ្ងៃពេលដែលខ្ញុំបើកឡានពាក់វ៉ែនតាក៏វាអាចលើកមុខយើងស្អាតម្យ៉ាងហើយម្យ៉ាងទៀតពាក់វ៉ែនតា ពេលដែលយើងដើរ Shopping អាចបិទបាំងភាពអៀនបានខ្លះធម្មតាយើងជាតារាពេលទៅណាមកណាមានគេមើលយើងច្រើនពេកសម្រាប់ខ្ញុំពាក់វ៉ែនតាគឺការបិតបាំងការអៀនខ្មាស់ច្រៀនជាង”។

ចំណែកតារាចម្រៀងរាងតូចច្រឡឹង ឡោម លក្ខណា បានបញ្ចេញមតិយោបល់ថា“ពាក់វ៉ែនតាគ្រាន់តែជាស្តាយមួយរបស់គេតែអ្នកខ្លះពាក់ដើម្បីបិទបាំងស្នាមជាំខ្មៅនៃរង្វង់ភ្នែកដែលពួគគេមិនបានសំរាកម្យ៉ាងទៀតពេលខ្លះពាក់ពេលដែលមិនបានផាត់មុខ (make up) ព្រោះវាអាចមើលឃើញស្លក់ប្រសិនបើយើងមិនបានផាត់មុខ ដូចនេះមានតែពាក់វ៉ែនតាដើម្បីបិទបាំងកុំឲ្យឃើញភ្នែកខូង”។

តារាចម្រៀងសិចស៊ី ឆៃលី ដាឡែន ក៏បានប្រើប្រាស់វ៉ែនតាខ្មៅ ស្រដៀងគ្នាទៅនឹងសិល្បការិនី ផ្សេងទៀតដែរនាងបានឲ្យដឹងថា “ខ្ញុំពាក់វ៉ែនតាខ្មៅ ដើម្បីការពារពន្លឺថ្ងៃមិនថាពេលបើកឡាន ឬដើរផ្សារទេ ព្រោះវ៉ែនតាខ្មៅ ជួយការពារមិនឲ្យពន្លឺ ជះចូលទៅក្នុងភ្នែកច្រើនណាមួយទៀតពេលដែលទៅតាមផ្សារអីចឹង ពេលដែលពាក់វ៉ែនតាខ្មៅទៅ មិន សូវមានអ្នកចាប់អារម្មណ៍ មើលមកយើងច្រើន និយាយនេះមិនមែនមិនចង់ឲ្យគេមើលទេតែគេមើលមកច្រើន ធ្វើឲ្យយើងអៀនដូច្នេះបើពាក់វ៉ែនតាទៅទោះជាគេមើលមកយើងច្រើនតែយើងហាក់មានអារម្មណ៍ថាធម្មតា”៕