គង់ ចាន់ស្រីមុំ មានអ្នកឯកទេស ថែរក្សាសម្រស់ប្រចាំខ្លួន
|
June 17, 2013 (09:41:46)
|
[ 761 ] |
|
|
|
|
យ៉ាងហោចក្នុង១សប្ដាហ៍មានពី២ទៅ៣ដង ដែលកញ្ញាគង់ ចាន់ស្រីមុំ បានទៅពិគ្រោះ និងថែរក្សាសម្រស់ ទាំងផ្ទៃមុខ ស្បែក និងដងខ្លួនជាដើម នៅមជ្ឈមណ្ឌលកែសម្ផស្សមួយ ក្នុងរាជធានីភ្នំពេញ។
ដូច្នេះហើយគេសង្កេតឃើញ ពីមួយថ្ងៃទៅមួយថ្ងៃ គង់ ចាន់ស្រីមុំ តារាស្រីផ្នែកស៊ីវិល័យ នៃអាណាចក្រតារា ឆ្នាំ២០១១ កាន់តែមានរូបសម្រស់ ស្រស់សោភា ទាំងផ្ទៃមុខ ដងខ្លួនស្រឡូន Sexy និងស្បែកសស្អាត ភ្លឺរលោងជានិច្ច។
“ខ្ញុំគិតថា ការណ៍ដែលយើង មានអ្នកឯកទេសផ្ទាល់ខ្លួន គឺជារឿងល្អ ព្រោះមានទំនុកចិត្ត នៅក្នុងការថែរក្សាសុខភាពសម្រស់ ហើយមិនព្រួយពីការ កើតមានគ្រោះថ្នាក់ផ្សេងៗ…”។
ជាការពិតណាស់ គ្រោះថ្នាក់នឹងកើតមានឡើង ប្រសិនបើការប្រើប្រាស់ ផលិតផលក្រែម លាបស្បែកឲ្យភ្លឺរលោង ឬការបកស្បែកណាមួយ ដែលមិនបានទទួលការពិគ្រោះ ឬពិនិត្យដោយអ្នកឯកទេសត្រឹមត្រូវ។ កន្លងមកនេះ បណ្ដាញសារព័ត៌មានក្នុងស្រុក ក៏បានធ្វើសេចក្ដីរាយការណ៍ថា យ៉ាងហោចមានសុភាពនារីមួយចំនួន បានស្លាប់ដោយសារតែការប្រើប្រាស់ផលិតផល ក្រែមលាបស្បែកឲ្យស។
និយាយពីវិថីសិល្បៈវិញ គឺសុភាពនារីទាំងឡាយបានចាត់ទុកថា សម្រស់គឺជាប្រភពចម្បង ស្របនិងទេពកោសល្យមាន ទើបធ្វើឲ្យតារាអាចរះក្នុងពិភពសិល្បៈបាន។ ក្នុងចំណោមនោះ កញ្ញាគង់ចាន់ស្រី មុំ បាននិយាយថា៖ “សម្រស់ពិតជាមានសារៈសំខាន់ណាស់នៅក្នុងពិភពសិល្បៈ។ ប្រសិនបើយើងមានរូបស្រស់ស្អាត គឺយើងធ្វើអ្វីៗហាក់មានទំនុកចិត្តលើខ្លួនឯង ទាំងការដើរសម្បែងបង្ហាញមូដ និងមុខជំនាញជាដើម”។
ទន្ទឹមគ្នានេះដែរគេសង្កេតឃើញកញ្ញាគង់ ចាន់ស្រីមុំ មួយរយៈពេលចុងក្រោយនេះ មានការមមាញឹកច្រើនជាមួយនឹងសិល្បៈ និងជំនួញផ្ទាល់ខ្លួនរបស់នាង។ នាងត្រៀមចេញទៅប្រទេសសិង្ហបុរី នៅថ្ងៃទី១៧ ខែមិថុនា ដើម្បីចូលរួមថត និងសម្ពោធ Studio ហើយក្រុមហ៊ុនដែលអញ្ជើញនាងទៅថតនោះមានកិច្ចសហការជាមួយក្រុមហ៊ុន RGB កម្ពុជា។
នាងក៏ត្រៀមប្រាក់ប្រមាណជា១០ម៉ឺនដុល្លារ ដើម្បីបង្កើតមុខរបរថ្មីផងដែរ។ ទោះជាមានការមមាញឹកជាមួយសិល្បៈ និងមុខជំនួញក្ដី ប៉ុន្តែស្រីមុំ បានបញ្ជាក់ថា “ខ្ញុំមិនភ្លេចចំពោះការថែរក្សាសម្រស់ ប៉ុន្តែការថែរក្សាសម្រស់របស់ខ្ញុំគឺមានអ្នកឯកទេសប្រចាំខ្លួន”។
កញ្ញាគង់ ចាន់ស្រីមុំ ក៏បានអំពាវនាវឲ្យសុភាពនារីទាំងឡាយ ត្រូវតែមានការប្រុងប្រយ័ត្ន ចំពោះការប្រើប្រាស់ផលិតផលធ្វើឲ្យស្បែកសមួយចំនួន ដែលអាចបណ្ដាលឲ្យមានគ្រោះថ្នាក់ ដល់សុខភាពស្បែក ឬអាចឈានដល់ការបាត់បង់ជីវិតក៏មាន។ ដូច្នេះសុភាពនារីទាំងឡាយ គួរតែថែរក្សាសម្រស់ ជាមួយអ្នកឯកទេសត្រឹមត្រូវ។
គួរកត់សម្គាល់ដែរថា កាលពីឆ្នាំ២០១២ មូនិធិ The British skin Foundation ផ្នែកស្បែកនៅអង់គ្លេស បានរកឃើញថា ១៦% នៃគ្រូពេទ្យដែលមានឯកទេស រោគសើស្បែកគិតថា ក្រែមធ្វើឲ្យស្បែកភ្លឺរលោង មិនមានសុវត្ថិភាពទាំងស្រុងនោះទេ ខណៈដែល ៨០% ជឿជាក់ថា ស្បែកទាំងនោះមានសុវត្ថិភាព នៅពេលដែលត្រូវបានទទួលការព្យាបាល ដោយគ្រូពេទ្យមានឯកទេស ខាងរោគសើស្បែក ដែលមានអាជ្ញាបណ្ណត្រឹមត្រូវ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|