SuperAngkor News | Cambodia News | Khmer News | World News | News | Health | Technoloy | Star | Travel

តារាសម្តែងស្រី ទម្រង់មុខកូនកាត់អឺរ៉ុប កញ្ញា ប៊ីរីយ៉ា កន្លងមកទស្សនិកជន ធ្លាប់តែឃើញនាង ស្លៀកពាក់តុបតែងខ្លួនសិចស៊ី បែបស្ទីលយុវវ័យ សម័យទំនើបបានបញ្ជាក់ថា ចំណងស្នេហ៍របស់នាង និងសង្សារនៅតែរឹងមាំដដែល បើទោះបីជាលេចឮថា មានភាពរង្គោះរង្គើរ យ៉ាងណាក៏ដោយ។

កាលពីពេលថ្មីៗនេះ ក្នុងពិធីសម្ពោធខ្សែភាពយន្តរឿង ”ខ្លាចអី? សើចតើ!” នៅរោងភាពយន្ត Platinum Cineplex តារាសម្ដែង និងតារាម៉ូដែលកញ្ញា ប៊ីរីយ៉ា បានឲ្យដឹងថា «ខ្ញុំ និងគាត់នៅតែស្រលាញ់គ្នារហូតគ្មានអ្វីប្រែប្រួលទេ ហើយក៏គ្មានអ្នកណាមកបំបែកដែរ» ។

បន្ទាប់ពីមានប្រភពមួយចេញពីអ្នកសិល្បៈដូចគ្នាអះអាងថា រវាងនាង និងសង្សារ គឺលោក ឈុន ហ័ងជ័រ ជាជើងឯក CNC 2012 (Cambodia National Championship) ប្រចាំក្រុមហ៊ុន Sabay មានភាពរង្គោះរង្គើ ហើយអាចឈានដល់ផ្លូវបំបែក ។
ប្រភពបានបន្តថា គេតែងឃើញវត្តមានកញ្ញា ប៊ីរីយ៉ា ដើរតែឯងនៅក្នុងកម្មវិធីសិល្បៈនានាមិនដែលឃើញវត្តមានគូសង្សាររបស់ខ្លួនលោក ឈុន ហ័ងជ័រ នោះទេ។ ម្យ៉ាងទៀតនាងតែងបង្ហាញការតុបតែងខ្លួនប្លែកៗពេលចូលរួមកម្មវិធីផ្សេងៗ។

ទោះជាយ៉ាងណាក៏ដោយឆ្លើយតបទៅនឹងប្រភពលើកឡើងនេះកញ្ញា ប៊ីរីយ៉ា បានច្រានចោលទាំងស្រុង ដោយនិយាយថា នាង និងសង្សាររវល់ការងាររៀងៗខ្លួន ហើយការតុបតែងខ្លួនប្លែកៗមិនបានប៉ះពាល់ដល់បញ្ហាស្នេហារបស់នាងទេ គឺគ្រាន់តែចង់ឱ្យប្លែកអារម្មណ៍ទស្សនិកជនតែប៉ុណ្ណោះ ព្រោះគាត់មានរបររកស៊ីរបស់គាត់ ហើយនាងក៏មានការងារផ្ទាល់ខ្លួនដែរ ដូច្នេះហើយយើងមិនសូវបានដើរជាមួយគ្នាប៉ុន្មានទេ ចំពោះកម្មវិធីសិល្បៈ។

កញ្ញា ប៊ីរីយ៉ា បានផ្ដើមស្នេហ៍នឹងសង្សាររបស់ខ្លួនគឺលោក ឈុន ហ័ងជ័រ រយៈពេលបីឆ្នាំមកហើយអំឡុងពេលអ្នកទាំងពីរប្រឡង Freshie និងស្ថិតក្នុងក្រុម Sun Super Model ដូចគ្នា។ តារារូបនេះធ្លាប់សម្ដែងខារ៉ាអូខេ និងថតខ្សែភាពយន្តជាចច្រើនដូចជា «អាបពាក់មួកសុវត្ថិភាពវគ្គមួយ» និងរឿង«ខ្លាចអី?សើចតើ!» ដែលកំពុងតែទទួលបានការគាំទ្រពីទស្សនិកជន។

តារាសម្តែងស្រីទម្រង់មុខកូនកាត់អឺរ៉ុបច្រមុះស្រួច ប៊ីរីយ៉ា ថ្មីៗនេះបានបង្ហោះរូបថត ជាច្រើនសន្លឹកនៅលើបណ្តាញទំនាក់ទំនងសង្គមហ្វេសប៊ុករបស់នាង ដែលមើលទៅរូប សម្រស់នាងនៅពេលស្លៀកពាក់តុបតែងខ្លួនជានារីឥស្លាម មើលទៅស្រស់ស្អាតប្លែកភ្នែក ខុសពីការស្លៀកពាក់ជានារីខ្មែរ រហូតធ្វើឲ្យទស្សនិកជនមួយចំនួនលាន់មាត់សរសើថា សម្រស់នាងពេលគ្រងសម្លៀកបំពាក់បែបនារីឥស្លាមស្អាតទាក់ទាញភ្នែក មិនចាញ់នារី ជនជាតិដើមរបស់គេឡើយ ។

គួររំលឹកថា កញ្ញា ប៊ីរីយ៉ា ក្នុងថ្ងៃខួបកំណើតក៏មិនបានធ្វើអ្វីឲ្យធំដុំនោះដែរ ដោយ នាងមិនបានត្រៀមកម្មវិធី ឬក៏ចំណាយថវិកាក្នុងការរៀបចំកម្មវិធីនេះឲ្យធំដុំទេ គឺគ្រាន់តែ មានកម្មវិធី ជប់លៀងតូចតាចធម្មតា ជួបជុំមិត្តភក្តិក្រុមគ្រួសារ ញុំាអីតិចតួចតែប៉ុណ្ណោះ ព្រោះតារាមានទម្រង់មុខបែបកូនកាត់រូបនេះមិនចង់ខ្ជះខ្ជាយប្រាក់កាក់ច្រើន និងមានភាពនឿយហត់៕