ម៉ុន សុផុន កូនតន្ត្រីករបុរាណ កសាងជីវិតជាអ្នកសិល្បៈ បែបសម័យ
|
June 26, 2013 (12:50:44)
|
[ 726 ] |
|
|
|
|
លោក ម៉ុន សុផុន មានឈ្មោះហៅក្រៅថា ណាខុន គឺជាតារាចម្រៀង នៅក្នុងក្រុមយូធូភា ហើយក៏ជាតារាសម្តែង និងបង្ហាញម៉ូដនៅក្នុងក្រុម Cambodia Super Model ផងដែរ ។ គេស្គាល់លោក ម៉ុន សុផុន តាមរយៈការសម្តែង រឿងភាគរបស់ស្ថានីយ ទូរទស្សន៍បាយ័ន និងតាមរយៈការថត ស្ប៉តពាណិជ្ជកម្មមួយចំនួន ជាពិសេសគឺស្ប៉តអង្គរសង្ក្រាន្ត និងស្ប៉ត Online ជាមួយកញ្ញា ហ៊ិន ច័ន្ទនិរ័ត្ន ។
លោក ម៉ុន សុផុន អាយុ២៥ឆ្នាំ ចាប់ផ្តើមប្រឡូកក្នុងពិភពសិល្បៈតាំងពីឆ្នាំ២០០៨ មក ។ ពីដំបូងលោកដាក់ពាក្យប្រឡងនៅក្នុងកម្មវិធីយុវតារារបស់ស្ថានីយ ទូរទស្សន៍បាយ័ន ហើយបានជាប់ចំណាត់ថ្នាក់លេខ៣ ទាំងផ្នែកចម្រៀង ផ្នែករាំសម័យ ផ្នែករបាំបុរាណ និងផ្នែកសម្តែង ។ បន្ទាប់ពីប្រឡងជាប់ហើយ លោកត្រូវស្ថានីយទូរទស្សន៍បាយ័នជំរុញឱ្យថតរឿងភាគជាលើកដំបូង គឺរឿង «ត្រៀមចិត្តសម្រាប់ឈឺ» ដោយរូបលោកបានសម្តែងជាតួមិត្តភក្តិតួឯកស្រី កែវ នីសា ។
លោក ម៉ុន សុផុន ឱ្យដឹងកាលពីពេលថ្មីៗនេះថា បន្ទាប់ពីទទួលបានជោគជ័យនៅក្នុងរឿងភាគនោះមក លោកត្រូវគេទាក់ទងឱ្យថតរឿងជាច្រើនទៀតដូចជារឿង «ភូមិខ្ញុំស្រស់ឆើេតឆាយ» «ហាមសិនមុនស្នេហ៍» «វិញ្ញាណស្នេហ៍អាថ៌កំបាំង» និងរឿង «មហាទិគុណ» ជាដើម។ បន្ទាប់មកនៅក្នុងឆ្នាំ២០១១ ក្រុមយូធូភាបានទាក់ទងលោក សុផុន ឱ្យទៅច្រៀងរួមក្រុម ។ មូលហេតុដែលក្រុមយូធូភាទាក់ទងឱ្យរួមក្រុម ដោយសារតែលោកសុផុន មានជំនាញច្រើនទាំងច្រៀង និងរាំ ។ លើសពីនេះទៅទៀតនោះ លោក សុផុន ត្រូវក្រុមហ៊ុន និងផលិតកម្មចម្រៀងមួយចំនួនទាក់ទងឱ្យសម្តែងស្ប៉តពាណិជ្ជកម្ម ។
លោក ម៉ុន សុផុន មានឪពុកឈ្មោះ ហេង សុខា ជាអ្នកលេងភ្លេងបុរាណ ចំណែកម្តាយឈ្មោះ សេង ថុល ជាអ្នកចម្ការ ។ លោកជាប់ជាសាច់ញាតិរបស់អ្នកស្រី សុខ សុខុម ជាអ្នកចម្រៀងជើងចាស់ផងដែរ ។ ថ្វីដ្បិតតែមានឪពុកជាអ្នកភ្លេងបុរាណពិតមែន តែលោក សុផុន មិនចេះលេងភ្លេងបុរាណទេ ទោះបីកាលពីមុនឪពុករបស់លោកបង្ហាត់បង្រៀនក្តី ព្រោះរៀនមិនចេះ។ ចំពោះការសម្តែង រាំ និងច្រៀងបទសម័យ គឺលោកមានទេពកោសល្យ ។ ផ្ទុយពីលោកគឺបងប្អូនរបស់លោកសុទ្ធតែរៀនឆាប់ចាំ និងចេះយ៉ាងស្ទាត់ជំនាញអំពីភ្លេងបុរាណ ។
លោក ម៉ុន សុផុន មានបងប្អូនចំនួន៨នាក់ ប្រុស៦នាក់ និងស្រី២នាក់ ក្នុងនោះរូបលោកគឺជាកូនទី៤ ។ លោកសុផុន មានស្រុកកំណើតនៅខេត្តកំពង់ស្ពឺ ប៉ុន្តែឪពុកម្តាយរបស់លោកបានប្តូរទៅរស់នៅក្រុងព្រះសីហនុ តាំងពីរូបលោកនៅក្នុងផ្ទៃម៉្លេះ ៕
|
|
|
. |
|
|
|
|
|
. |
|
រៀល កម្ពុជា (1US$: KHR)
|
4015 |
4022 |
បាត ថៃឡង់ (1US$: THB)
|
31.48 |
31.55 |
ដុង វៀតណាម (1US$: VND)
|
22,720 |
22,800 |
ដុល្លារ ហុងកុង (1US$: HKD)
|
7.75 |
7.87 |
យ៉េន ជប៉ុន (100JPY: US$)
|
0.905 |
0.910 |
ដុល្លារ សឹង្ហបុរី (10SGD: US$)
|
7.58 |
7.63 |
រីងហ្គីត ម៉ាឡេស៊ី (10MYR: US$)
|
2.55 |
2.57 |
ផោន អង់គ្លេស (1GBP: US$)
|
1.405 |
1.410 |
យូរ៉ូ អឺរ៉ុប (1EUR: US$)
|
1.240 |
1.245 |
ហ្វ្រង់ ស្វីស (1CHF: US$)
|
0.905 |
0.910 |
ដុល្លារ អូស្ត្រាលី (1AUD: US$)
|
0.787 |
0.792 |
ដុល្លារ កាណាដា (1CAD: US$)
|
0.800 |
0.805 |
មាស គីឡូ (1CHI: US$)
|
160.5 |
161.5 |
កែប្រែរចុងក្រោយ ៖
09 - February - 2018
|
|
|