Waitomo ជាទីកន្លែងមួយ ដែលមានទិដ្ឋភាព ស្រស់ស្អាតហើយចម្លែក នៅប្រទេស​នូវែល​សេឡង់ ដែលជារូងភ្នំ ដង្កូវបញ្ចេញពន្លឺ ដ៏ស្រស់ស្អាត​ ។ រមណីយដ្ឋាននេះ ស្ថិតនៅជាយទីក្រុង Waitomo នៅកោះភាគខាងជើង នៃ ប្រទេសនូវែលសេឡង់។ វាជាទីចាប់អារម្មណ៍ របស់ទេសចរដោយសារ ចំនួនដ៏ច្រើនលើសលប់ នៃសត្វដង្កូវមួយប្រភេទ ដែលរស់នៅក្នុងរូងភ្នំនេះ ហើយដង្កូវប្រភេទនេះ បានបញ្ចេញពន្លឺពណ៌ខៀវ និងបៃតងដ៏ស្រស់ស្អាត ហាក់ដូចជាត្បូង ដ៏មានតម្លៃ។ នៅពេលដែលអ្នក ធ្វើដំណើរចូលទៅកាន់រូងភ្នំនេះ អ្នក នឹងមានអារម្មណ៍ ហាក់ដូចជាបានចូល ទៅកាន់ពិភពដ៏ស្រស់ស្អាតមួយ ពោរពេញទៅដោយ ពន្លឺត្រចះត្រចង់ និងហ៊ុំព័ទ្ធទៅដោយត្បូង ដែលមានពន្លឺ នៅពីលើលោកអ្នក ។

ដោយសារតែភាពស្រស់ស្អាត របស់វានេះហើយ ទើបក្នុងមួយឆ្នាំៗ រដ្ឋាភិបាល នូវែលសេឡង់ ប្រឹងប្រែងក្នុងការ ថែរក្សាការពារ និងអភិវឌ្ឍរមណីយដ្ឋាននេះ ដើម្បីទាក់ទាញភ្ញៀវទេសចរ និងទទួលបានប្រាក់ចំនេញ ជាច្រើនពី រមណីយដ្ឋាននេះ។