កំពង់ផែស្រាដែលជា បេតិកភណ្ឌ ពិភពលោក បានគ្រងដំណែង ជាទីក្រុងដែលពេញនិយម នៅអ៊ឺរ៉ុប ក្នុងឆ្នាំ២០១៤ ដោយសារតែ ភាពដ៏ស្រស់ស្អាត របស់ទីក្រុងនេះ។ ទទួលបានសម្លេងឆ្នោត ចំនួន ២២៨,៦៩០សម្លេង ក្នុងការបោះឆ្នោត ជ្រើសរើសទីក្រុង ដែលពេញនិយម ដែលរៀបចំដោយ Europeanbestdestinations.org លើប្រព័ន្ធ អ៊ិនធើនណែត ទីក្រុងក្នុងតំបន់ឆ្នេរ របស់ព័រទុយហ្កាល់គឺទីក្រុង ព័រតូ ដែលជាទីក្រុងដ៏ធំទី២ បន្ទាប់ពីទីក្រុងលីសបង់ (Lisbon) បានក្លាយជាទីក្រុងដែលភ្ញៀវទេសចរចង់ទៅទស្សនាបំផុត។

ព័រតូ បានក្លាយជាតំបន់បេតិកភណ្ឌពិភពលោករបស់យូណេស្កូតាំងតែពីឆ្នាំ ១៩៩៦ ដោយសារទីក្រុងនេះមាន សំណង់ និងស្ថាបត្យកម្មមានអាយុកាលជាង ២,០០០ឆ្នាំ។ ក្នុងការបោះឆ្នោតនេះ ប្រទេសទាំង១០ ដែលជាទីពេញនិយម របស់ភ្ញៀវទេសចរនៅតំបន់អ៊ឺរ៉ុបនោះមាន៖
1. Porto, Portugal
2. Zagreb, Croatia
3. Nicosia, Cyprus
4. Vienna, Austria
5. Budapest, Hungary
6. Madeira, Portugal
7. Milan, Italy
8. Madrid, Spain
9. Berlin, Germany
10. Rome, Italy ។