ពិព័រពាណិជ្ជកម្មទេសចរណ៍ អន្តរជាតិពិភពលោក ប្រារព្វធ្វើឡើង នៅក្រុងប៊ែកឡាំង ប្រទេសអាល្លឺម៉ង់ គិតចាប់ពីថ្ងៃទី៥ដល់ទី៩ ខែមីនា ឆ្នាំ២០១៤ ។ យោងតាមទីភ្នាក់ងារ ព័ត៌មានចិនស៊ិនហួ ចុះផ្សាយនៅថ្ងៃទី០៥ ខែមីនា ឆ្នាំ ២០១៤ថា បើតាមការអះអាង របស់មន្ត្រីទទួលបន្ទុក កិច្ចការរៀបចំ តាំងពិព័រណ៍ពាណិជ្ជកម្ម ទេសចរណ៍អន្តរជាតិពិភពលោក បានឲ្យដឹងថា ឆ្នាំនេះមានការ រៀបចំ ឡើងនូវពិធីតាំងពិព័រណ៍ ដែលមានបណ្តាក្រុមហ៊ុន ១០,១៤៧ ចូលរួមដាក់តាំងផលិតផល និងមកពីបណ្តា ប្រទេស ចំនួន១៨៩ប្រទេស ។ ទីតាំងសម្រាប់ការដាក់តាំងពិព័រណ៍នេះមានទំហំដីប្រមាណ១៦០,០០០ម៉ែត្រ ក្រឡា។

តាមការឲ្យដឹងពីអ្នកចាត់តាំងកម្មវិធីពិព័រណ៍បានបញ្ជាក់ថា ក្នុងឆ្នាំនេះ សរុបអាចនឹងមានរហូតដល់១១០ពាន់នាក់។

លោក Christian Goeke ប្រធានក្រុមគ្រងប្រតិបត្តិការ នៃការរៀបចំតាំងពិព័រណ៍ បានមានប្រសាសន៍ថា "ការតាំង ពិព័រណ៍នៅ ប៉ែកឡាំងនេះ វាជាការបង្ហាញឲ្យដឹងអំពី ចង្វាក់ផលិតកម្ម ឧស្សាហកម្មនិងទាក់ទិនឹងតុល្យភាពនៃការ ដាក់ បង្ហាញផលិតផលជា លក្ខណៈអន្តរជាតិផងដែរ" ។

លោក បានសង្កត់ធ្ងន់ថា "អ្នកតាំងពិព័រណ៍ទាំងឡាយ និងអ្នកទស្សនានឹងទទួលបានការបង្ហាញនូវផលិតផលប្លែកៗ និងថ្មីៗ ដែលជានិន្នាការមួយឆ្ពោះ ទៅរកការអភិវឌ្ឍន៍ព័ត៌មាន នៃទីផ្សារថ្មីមួយ រួមទាំងការបង្ហាញអំពីបញ្ហាទាំង ឡាយដែល ពួកគេទទូចចង់បាននូវ ផលិតផលថ្មីៗទាំងនោះ" ៕

(ប្រភពពី៖ដើមអម្ពិល)