(ដើមអម្ពិល) ម៉ិកស៊ិចកូ : សណ្ឋាគារដ៏ចម្លែកមួយ ដែលស្ថិតនៅក្នុង ប្រទេសម៉ិកស៊ិច ត្រូវបានគេហៅថា Tubo Hotel ពិតជាធ្វើឲ្យ អ្នកដែលមកស្នាក់នៅ ទទួលបាននូវអ្វី ដែលមិនធ្លាប់ មានពីមុនព្រោះតែការ រចនាបន្ទប់ ដេក រូបរាងដូច ជារង្វង់ស៊ីឡាំង និងមានត្រឹម តែគ្រែដេក ព្រមទាំងកង្ហារ និង អំពូលភ្លើង បំភ្លឺប៉ុណ្ណោះ ប៉ុន្តែវាអាច នឹងជាទីចំណាប់ អារម្មណ៍របស់ អ្នកទេសចរដែល ស្រលាញ់ ការរស់នៅក្បែរ ធម្មជាតិ និងចូលចិត្តអ្វី ដែលប្លែក ព្រោះទីនេះ អាចធ្វើឲ្យភ្ញៀវ ដែលមក សម្រាកមើលឃើញ ពីទេសភាពនានា តាមកញ្ចក់ទ្វារបន្ទប់នូវ​ទិដ្ឋភាព ខាងក្រៅបាន​​យ៉ាងត្រជាក់ភ្នែក ។

សណ្ឋាគារ Tubo ត្រូវបានសាង​សង់ឡើង តាំងពីឆ្នាំ២០១០ នៅក្នុង​ភូមិ Tepozltan ហើយម្ចាស់ នៅទីនេះគឺ​លោក Robb Anderson ។ បើយើងធ្វើដំណើរ​ចេញ ពីទីក្រុងម៉ិកស៊ិចកូ គឺប្រើពេល វេលាអស់ត្រឹម​តែមួយម៉ោងប៉ុណ្ណោះ នឹងមកដល់ សណ្ឋាគារដ៏ប្លែក​មួយនេះហើយធានាថាភ្ញៀវ ទាំងឡាយ​ដែលនិយមភាព ប្លែកភ្នែកបាន អញ្ជើញមក​ស្នាក់នៅទីនេះ នឹងពេញចិត្ត​​ជាមិនខាន ៕