ដើមអម្ពិល,​ មណ្ឌលគិរី៖ ប្រធានមន្ទីរ​​ទេសចរណ៍​​ខេត្តមណ្ឌលគិរី បានមាន​​ប្រសាសន៍ថា នៅលើទឹក​​ដីនៃភូមិភាគ ឦសាន្ត នៃ​ខេត្ត​​មណ្ឌលគិរី នាពេលបច្ចុប្បន្ននេះ ត្រូវបានអ្នក​​ទេសចរ ក្នុងនិងក្រៅ​​ប្រទេស ទទួលស្គាល់ អំពីសក្តានុ​ពល ធម្មជាតិដ៏សំបូរបែប ។

លោក ងិន សុវិមាន ប្រធានមន្ទីរ​​​ទេសចរណ៍ ខេត្តបានប្រាប់​​អ្នកឆ្លើយឆ្លង ព័ត៍មាន​​នៅថ្ងៃទី២៦ ខែមិថុនា ថាភ្ញៀវ​ទេសចរ មានចំណាប់​​អារម្មណ៍យ៉ាងខ្លាំង នៅទឹកដី​​ខេត្តមួយនេះ ដោយពួកគេ គេចូលចិត្ត ទៅមើល​​ការរស់នៅ និងរបររកស៊ី​​របស់បងប្អូនជ​ នជាតិព្នង ផ្ទះបុរាណរបស់ជនជាតិ សិប្បកម្មតម្បាញ រវៃដោយ​​ដៃទឹកជ្រោះ ជាច្រើន​កន្លែងទេសភាព ខៀវស្រងាត់ របស់ជុំរុំព្រៃឈើលាត សន្ធឹងធំល្វឹងល្វើយ ដាច់កន្ទុយ​​ភ្នែកធ្វើឲ្យ ធាតុអាកាសនៅ​តំបន់នេះ មានភាព​​ត្រជាក់ល្ហឹម​​ស្ទើតែគ្មាន រដូវក្តៅ ។

លោកបន្តថា ជាពិសេសទៅ​ទៀត នៅ​រដូវភ្លៀង​ធ្លាក់ដូចជាសព្វថ្ងៃនេះ ពេលមាន​ភ្លៀងចាប់ពី ចន្លោះម៉ោង ៥៖ ៣០ នាទីល្ងាចរហូត​ដល់ពេល​យប់ផ្សែង អាប់អ័ព្វចាប់ផ្តើមធ្លាក់​បង្កជាភាព​ងងឹត និងមានសីតុណ្ហ ភាពចុះត្រជាក់​លក្ខណៈ​បែបនេះ ធ្វើអោយអ្នក​ចូលមក​កំសាន្ត មានការ​សរសើរមិន ដាច់ពីមាត់ ។

លោកបន្ថែមទៀតថា ក្រៅពីនេះ​ទៀតភ្ញៀវទេសចរ កំពុងពេញ​និយមចូលចិត្តទិញ​ផ្លែអាវូកា (ហៅផ្លែប័រ) នៅពេល​ដែលគេត្រលប់ ទៅលំនៅ​ដ្ឋានវិញ ។ ពាក់ព័ន្ធទៅ និងអនាម័យ តាមរមណីដ្ឋាន​​នីមួយៗ ក៏ដូចជា សេវាកម្ម ភោជនី​ដ្ឋាន និងផ្ទះសំណាក់ និងសណ្ឋាគារ បងប្អូនដែល​​ជាម្ចាស់ទីតាំង បាននឹង​​កំពុង មានការយល់ ដឹងច្រើនធានា​​បាននូវ សេវាកម្មល្អប្រសើរ ដែលជា​​ហេតុ ធ្វើឲ្យកំណើន​​អ្នកទេសចរ ពីមួយឆ្នាំទៅឆ្នាំ ៕