ប្រទេសកម្ពុជាយើង មានរមណីយដ្ឋាន ជាច្រើនកន្លែង សំរាប់អោយ ភ្ញៀវទេសចរណ៍ជាតិ និង អន្តរជាតិធ្វើការ ទស្សនា ។ ក៏ប៉ុន្តែ ក្នុងថ្ងៃ ចូលឆ្នាំសកល ថ្មីៗនេះ គេបានសង្កេតឃើញថា មានរមណីយដ្ឋានចំនួន ៥ កន្លែង មានភ្ញៀវទេសចរណ៍ ទៅកំសាន្តច្រើនជាងគេ ។

រមណីយដ្ឋាន ទាំង ៥ នោះមានដូចជា៖

១. តំបន់ប្រាសាទបុរាណ (ខេត្ត សៀមរាប)
មានភ្ញៀវ​ទេសចរណ៍​ទៅ​កំសាន្ត ក្នុងថ្ងៃ ​ចូល​ឆ្នាំ​សកល​​ជាង​ ១០​​ម៉ឺន​នាក់​ ។ ក្នុង​​នោះ​មានភ្ញៀវអន្តរជាតិ​ចំនួន​ ២៧.៤០០ នាក់​ និង ភ្ញៀវ​ជាតិ​​​ចំនួន​ ៧៣.០០០ នាក់ ។​

២. តំបន់ឆ្នេរសមុទ្រ (ខេត្ត ព្រះសីហនុ)
មាន​​​ភ្ញៀវ​ទេសចរ​​ជាតិ​ និង​ អន្តរ​ជាតិ​ ជាង​ ១០ ម៉ឺន​នាក់​ ទៅកំសាន្ត ។

៣.​ តំបន់រមណីយដ្ឋាន ធម្មជាតិ (ខេត្ត មណ្ឌលគិរី)
មាន​ភ្ញៀវ​ទេសចរ​ទៅ​​កម្សាន្ត​​ ក្នុងថ្ងៃ ចូល​​ឆ្នាំ​សកល​ ដែលគិត​ចាប់​ពី​ថ្ងៃ​ទី​២៩ ដល់​ ៣១ ខែ​​ធ្នូ ឆ្នាំ​២០១៤ មាន​​ចំនួន​ ៧.៥១៨​នាក់ ។ ​ភ្ញៀវអន្តរជាតិ ចំនួន​ ៤១៣​ នាក់​ ភ្ញៀវ​ទេសចរ​ជាតិ ​ចំនួន​ ៧.១០៥​ នាក់ ។​​​ តំបន់​ទេសចរណ៍​សំខាន់​ៗ មាន​​ដូចជា៖
- ទឹក​ជ្រោះ​ប៊ូស្រា​
- ភ្នំ​ដោះ​ក្រមុំ​
- សមុទ្រ​ឈើ​
- ភូមិ​​ជនជាតិ​
- ​ទឹក​ជ្រោះ​សែន​មនោរម្យ ជាដើម ​។

៤. តំបន់ឆ្នេរសមុទ្រ និង ធម្មជាតិ (ខេត្ត កោះកុង)
មាន​ភ្ញៀវ​ទេសចរ​​ជាង​ ៥ ម៉ឺន​នាក់ ​។ ​តំបន់​ទាក់​ទាញ​​ភ្ញៀវ​ទេសចរណ៍ ជាតិ​ និង អន្តរជាតិ មានដូចជា៖
-​ តំបន់​ព្រំដែន​​
- សួន​សត្វ​
- តំបន់​សហគមន៍​អេកូ​ទេសចរណ៍​
- ទឹក​ជ្រោះ​តាតៃ​
- តំបន់​ពាម​ក្រសោប​ ​
- ឆ្នេរ​ខ្សាច់​បាក់​ខ្លង​ ​ជា​​ដើម ។

៥. តំបន់ឆ្នេរសមុទ្រ និង ធម្មជាតិ (ខេត្ត កំពត)
មាន​​ភ្ញៀវ​ទេសចរ​​​ណ៍ជាង​ ២​ម៉ឺន​នាក់​ទៅ​កម្សាន្ត​នៅ​​ខេត្ត​កំពត​ ដែលក្នុងនោះមាន ​​ភ្ញៀវអន្តរជាតិ​មាន​​ចំនួន​ ១.៦០០ នាក់​ ។ ទី​កន្លែង​ទាក់​ទាញ​​ជាង​គេ​មានដូចជា៖
- ​​​ភ្នំ​បូក​គោ​
- តំបន់​ទឹក​ឈូ ជាដើម​ ​៕

(ប្រភព៖ តំបន់ទេសចរណ៍ស្រុកខ្មែរ)