ភ្នំពេញ​: នៅ​ឆ្នាំ​២០១៥​នេះ "​ពិព័រណ៍​គ្រឿងអលង្ការ និង​ត្បូង​មាន​តម្លៃ​កម្ពុជា លើក​ទី​៧ សម្រាប់​ឆ្នាំ​២០១៥” ដែល​គ្រោង​រៀបចំ​ឡើង​ដោយ​ក្រសួងពាណិជ្ជកម្ម​នោះ មិន​ត្រូវ​បាន​រៀបចំ​ឡើង​ឡើយ​។ ប៉ុន្តែ​ក្រសួង បាន​អនុញ្ញាត​ឲ្យ​សមាគម​ពាណិជ្ជកម្ម​គ្រឿងអលង្ការ និង​ត្បូង​ថ្ម​មាន​តម្លៃ រៀបចំ “​ពិព័រណ៍​គ្រឿងអលង្ការ និង​ត្បូង​អន្តរជាតិ​មាន​តម្លៃ​កម្ពុជា​” រៀបចំ​ពិព័រណ៍​គ្រឿងអលង្ការ​ដោយ​ខ្លួនឯង​។

សេចក្តីជូនដំណឹង​របស់​ក្រសួងពាណិជ្ជកម្ម​នៅ​ថ្ងៃ​ទី​២៩​ខែមិថុនា​ឆ្នាំ​២០១៥ បាន​លើក​ឡើង​ថា ក្រសួងពាណិជ្ជកម្ម នឹង​មិន​ធ្វើការ​រៀបចំ "​ពិព័រណ៍​គ្រឿងអលង្ការ និង​ត្បូង​មាន​តម្លៃ​កម្ពុជា លើក​ទី​៧ សម្រាប់​ឆ្នាំ​២០១៥” នោះ​ឡើយ​។

ប៉ុន្តែ​ក្រសួងពាណិជ្ជកម្ម បាន​ប្រកាស​គាំទ្រ និង​អនុញ្ញាត​ឲ្យ​សមាគម​ពាណិជ្ជកម្ម​គ្រឿងអលង្ការ និង​ត្បូង​ថ្ម មាន​តម្លៃ រៀបចំ “​ពិព័រណ៍​គ្រឿងអលង្ការ និង​ត្បូង​អន្តរជាតិ​មាន​តម្លៃ​កម្ពុជា​” ចាប់តាំងពី​ថ្ងៃ​ទី​២៣ ដល់​ថ្ងៃ​ទី​២៦ ខែកក្កដា ឆ្នាំ​២០១៥ នៅ​មជ្ឈមណ្ឌល​សន្និសីទ និង​ពិព័រណ៍​កោះ​ពេជ្រ តាម​ការ​ស្នើ​សុំ​៕